Эквадорда ұшақ апатқа ұшырап, алты адам қаза тапты

БОГОТА. ҚазАқпарат – Эквадордың батысында болған әуе апаты салдарынан кем дегенде алты адам қаза тапты, деп хабарлайды ҚазАқпарат El Commercio басылымына сілтеме жасап.

Газеттің деректеріне қарағанда, оқыс оқиға сәрсенбі күні күндіз Салитре кантонында (Гуаяс батыс провинциясы) болған.

Жеңіл моторлы ұшақ Гуаякиль қаласына бет алған.

Апат салдарынан экипаждың екі мүшесі мен төрт жолаушы мерт болды.

Билік орындары тергеуді бастады.