+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Экономикамыз қарыштап дамитынына сенімім зор – Шет ауданы әкімінің орынбасары Жолдау туралы

2020 жылғы 19 қыркүйек 18:58
Бөлісіңіз:
Экономикамыз қарыштап дамитынына сенімім зор – Шет ауданы әкімінің орынбасары Жолдау туралы

ҚАРАҒАНДЫ. ҚазАқпарат - Еліміз жыл сайын үлкен үміт арта күтетін Президент Қасым – Жомарт Тоқаевтың биылғы Жолдауы да барша азаматтың көңілінде жүрген түйткілді мәселелерді дөп басты

Ұқсас жаңалықтар
Тараздағы үлкен тойхана азық-түлік дүкеніне айналды «JETI QAZYNA» монеталарын қабылдаудан бас тартқан кәсіпкерлер айыппұл төлейді – Ұлттық банк KASE: Доллар арзандап, теңге нығайды

Бұл пікірді Қарағанды облысындағы Шет ауданы әкімінің орынбасары Қайрат Нөкеш білдірді, деп хабарлайды ҚазАқпарат тілшісі.

Жолдауда күллі әлемді алаңдатып отырған пандемиямен күрес жолдары қамтылған. Қазіргі таңда бұл өте маңызды мәселе. Сондай-ақ құжатта ел тұрғындарының табысы мен жұмыс орындарының сақталуы, білім беру саласын көтеру, халқымыздың денсаулығы сияқты әлеуметтік бағыттағы мәселелер кеңінен көрініс тапты. Бұл халқымыздың өмірімен, тыныс-тіршілігімен тікелей байланысты дүниелер. Сондай-ақ ол қалық көпшілік үшін қуанышты жаңалықтар.

«Ал Шет ауданы Жолдаудан туындаған міндеттерді жүзеге асыруда осы кезден-ақ бастап кетті. Ауданымызда «Жұмыспен қамтудың жол картасы» бағдарламасы аясында 28 жоба, «Ауыл ел бесігі» арнайы жобасы аясында 8 жоба іске асырылды. Оның ішінде тұрғындардың табысын арттыру және жұмыс орындарын сақтау бойынша екі бағдарлама аясында 200 адам мерзімді жұмыспен, 600 адам тұрақты жұмыспен қамтылды. Аудандағы білім беру, спорт, көпқабатты тұрғын үй нысандарының қасбеттерін күрделі жөндеуден өткізу, көше жолдарын орташа жөндеу, жылу жүйелерін жаңарту, аудан бойынша көптеген елді мекендердегі мектептердің дәретханаларын ішке кіргізу және бейнебақылау қою, мектеп шатырларын жаңарту және жөндеу сынды ауқымды жұмыстар жүргізіліп жатыр», - дейді Шет ауданы әкімінің орынбасары Қайрат Нөкеш.

Сонымен қатар, республикалық, облыстық бюджет есебінен Шет ауданына қарасты Киікті ауылында 2 қабатты 150 орындық жаңа мектеп, «Нұрлы жер» бағдарламасы аясында Ақадыр кентінде 24 пәтерлік көпқабатты тұрғын үй салынуда.

«Мемлекет басшысының Жолдауда айтқан мемлекеттік қызметшілердің санын қысқартып, сапасын арттыру, халықтың тұрмыс сапасын одан әрі жақсарту, кәсіпкерлікті қолдау, инфрақұрылымды дамыту, баспана мәселесін шешу сынды басымдықтары толықтай жүзеге асқанда өркениетіміз өркендеп, экономикамыз қарыштап дами беретініне сенімім мол. Осы мақсатта бірлесіп, жұмыла жұмыс істейтін боламыз»,- деп қосты Шет ауданы әкімінің орынбасары.


Біздің каналымызға жазылыңыз:

Бөлісіңіз:

Автор:

Агата Мухамеджанова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT