Қолданушы баптаулары
Қолданушы баптаулары
+7 (701) 759 90 19 Лента
USD 377.18 EUR 426.14
RUB 5.98 CNY 54.86
Jańalyqtar

Экологиялық төлемдердің 70 пайызы табиғатты қорғау шараларына жұмсалуы тиіс

2019 жылғы 20 мамыр 18:55 614
Бөлісіңіз:
Экологиялық төлемдердің 70 пайызы табиғатты қорғау шараларына жұмсалуы тиіс

НҰР-СҰЛТАН. ҚазАқпарат - Қазақстанда жергілікті атқарушы органдар экологиялық төлемдердің 70 пайызын табиғатты қорғау шараларына жұмсауға міндеттеледі.

Ұқсас жаңалықтар
Президент тапсырмасы: Ақтөбеде өзен арнасын кеңейту жұмысы уақытша тоқтатылды Министр Мырзағалиев экологиялық проблемаға байланысты Ақтөбеге аттанды

Бұл туралы бүгін ҚР Энергетика министрлігі Экологиялық реттеу және бақылау комитеті төрағасының орынбасары Зұлфыһар Жолдасов айтты, деп хабарлайды ҚазАқпарат тілшісі.

«Қоршаған ортаға эмиссия үшін төлемдер мен бюджет қаражатын мақсатты пайдалану өте маңызды тақырып. Бірінші санаттағы кәсіпорындарға ластаушы заттар эмиссиясы үшін ставкалар мен төлемдерді айтарлықтай арттыру, ал жаңа қолжетімді технологияларды енгізген кәсіпорындар үшін нөлдік ставка қолдан көзделіп отыр», - деді ол елордада өтіп жатқан «Экологиялық заңнаманы реформалау - қазіргі ахуалы мен болашағы» тақырыбындағы пікірталас алаңында.

Осы ретте комитет төрағасының орынбасары табиғатты қорғау шараларына арналған экологиялық төлемдердің шығыны кемінде 70 пайыз болуы керектігін айтты.

«Бүгінгі күні жергілікті атқарушы органдардың экологиялық төлемдерді табиғатты қорғау шараларына жұмсамауы немесе бұл мақсатқа болар-болмас пайызын жаратуына қатысты көптеген сын бар. Біз бұл мәселені заңда қарастырмақпыз. Яғни, бұл шараларға кететін шығындар экологиялық төлемдердің кемінде 70 пайызын құрауы тиіс», - деді Зұлфыһар Жолдасов.

Айта кетейік, «Қазақстанның экологиялық ұйымдары қауымдастығы» ЗТБ ұйымдастырған шарада еліміздің жаңа Экологиялық кодексінің жобасы талқыланды.

 

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Кожакелдиев Е.
Кожакелдиев Е.
954-059
MURAǴAT