Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Экология заңнамасын сақтамаған Екібастұздағы ірі компанияға 33 млрд теңге айыппұл салынды

2022 жылғы 16 маусым 22:04

НҰР-СҰЛТАН. ҚазАқпарат – Екібастұз ГРЭС-1 компаниясына 33 млрд теңгеден астам айыппұл салынды. Бұл туралы ҚазАқпарат Экология министрлігіне сілтеме жасап хабарлайды.

«Павлодар облысының Экология департаменті Болат Нұржанов атындағы Екібастұз ГРЭС-1 ЖШС-ға қатысты бірінші жартыжылдық жоспарлы тексеру жүргізді. Тексеру барысында 2018-2020 жылдарға арналған парниктік газдар шығарындыларына квоталар бөлудің ұлттық жоспарындағы белгіленген рұқсат етілген квоталар көлемінен асып кету бөлігінде экологиялық заңнаманы бұзушылық анықталды. Парниктік газдар шығарындыларына квоталар саудасының қолданыстағы жүйесі шеңберінде кәсіпорынмен өтелмеген квота көлемі 2 млн тоннадан астам СО2 құрады. Заңнама талаптарына сәйкес кәсіпорын экологиялық заңнамада белгіленген мерзімде нарықта квоталар сатып алу арқылы жетіспейтін квоталар көлемін жабуға мәжбүр болған», -делінген хабарламада.

Осы жайтқа қатысты құқық бұзушылық туралы хаттама толтырылып, айппұл салынды. Айыппұл сомасы 33 301 625 мың теңгені құрайды.


Новости по теме