+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Экология министрлігі қоқыс мәселесі бойынша жүйелі жұмыс бастады

2020 жылғы 20 шілде 15:00
Бөлісіңіз:
Экология министрлігі қоқыс мәселесі бойынша жүйелі жұмыс бастады

НҰР-СҰЛТАН. ҚазАқпарат - Экология, геология және табиғи ресурстар министрлігінің өкілдері Нұр-Сұлтан қаласына жақын жердегі стихиялық қоқыстарға рейд жүргізді. Мұндай рейдтер бүкіл елде өткізілмек, деп хабарлайды ҚазАқпарат тілшісі министрліктің баспасөз қызметіне сілтеме жасап.

Ұқсас жаңалықтар
Көкшетау – көк қарағай мекені: Ақмолада экологиялық акция ұйымдастырылды Атырауда балық қорғау заңнамасын бұзғандарға 20 млн теңгеден астам айыппұл салынды Кіші Алматы өзенінің каскадтары неге алынған әкімдік түсіндірді

Министрлікке қарасты экология, геология және табиғи ресурстар комитетінің төрағасы Зұлфыхар Жолдасов Мемлекет басшысының стихиялық қоқыс үйінділерін жою туралы тапсырмасын орындаудың маңызын атап өтті.

Еске салсақ, биылғы 10 шілдеде үкіметтің кеңейтілген отырысында ҚР Президенті Қасым-Жомарт Тоқаев күн өткен сайын күрделеніп отырған экологиялық проблемаларды шешудің өзектілігін жеткізген болатын.

«Жыл сайын 5 млн тоннадан аса қатты тұрмыстық қалдықтар шығарылады. Оларды өңдеу көлемі - еліміз бойынша тек 15% ғана. Бұл - жеткіліксіз. Үкіметке жедел түрде заңнамалық база әзірлеп, «Waste to energy» технологиясын енгізу үшін қолайлы инвестициялық жағдай туғызу қажет, - деп мәлімдеді Қасым-Жомарт Тоқаев.

Ал өткен аптада экология министрлігі әр өңірдегі стихиялық үйінділер туралы азаматтардан ақпарат жинау үшін жедел желіні іске қосқан болатын. Бүгінде 250-ден аса шағым келіп түскен. Шағымның көбі - Алматы облысы (40 шағым), Алматы қаласы (апта ішінде - 18 хабарлама), Ақтөбе, Ақмола және Шығыс Қазақстан облыстарындағы қоқыс үйінділері туралы. Үйілген қоқыс туралы ең көп хабар берген - Қарағанды (15) және Ақтөбе (14) облысының, сондай-ақ Алматы қаласының (11) тұрғындары.

Экология министрлігі хабарлағандай, жыл басынан бері тапсырыс бойынша Қазақстанның ірі қалалары мен оның 50 шақырым аумағындағы өндіріс және тұтыну қалдықтарына ғарыштық мониторинг жүргізілген. Осының нәтижесінде бүкіл ел бойынша 7 мыңнан астам заңсыз қоқыс орындары анықталды.

Ғарыш мониторингі кезінде министрлік өңірлердегі үйінділерді жоюдың жаңа кестесін жасап, бекіту үшін әкімдіктерге жолдады. Бүгінде оның 18-і жойылды.

Жедел желі нөмірі: +77759524900.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT