+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Экология министрі қалдықтарды бөлек жинау мәселесі туралы айтты

2021 жылғы 25 қазан 19:12
Бөлісіңіз:
Экология министрі қалдықтарды бөлек жинау мәселесі туралы айтты

НҰР-СҰЛТАН. ҚазАқпарат – ҚР Экология, геология және табиғи ресурстар министрі Серікқали Брекешев қалдықтарды өңдеу жұмыстары туралы айтып берді, деп хабарлайды ҚазАқпарат тілшісі.

«Тағы бір басты мәселе – қалдықтардың шамадан тыс жиналуы екенін бірнеше рет айттық. Осыған байланысты қалдықтарды тұрақты басқару бойынша «Waste-to-Energy» технологиясы бойынша энергия алу мен қалдықтарды энергетикалық кәдеге жарату жөніндегі нысандар салу сияқты іс-шаралар есебінен қатты тұрмыстық қалдықтардың үлесін және кәдеге жаратуды 18%-дан 34%-ға дейін ұлғайту көзделіп отыр», - деді министр Орталық коммуникациялар қызметінде өткен брифингте.

Одан бөлек, құрамында сынабы бар қалдықтарды бөлек жинау үшін 8 мыңнан астам контейнер мен дәріханаларда медициналық қалдықтарға арналған экобокстар орнату жоспарлануда.

«Тұйық циклді экономиканы дамыту шеңберінде құрылыс және ірі габаритті қалдықтарды жинауға арналған алаңдар құру болжанып отыр», - деді С. Брекешев.

Бұған дейін Серікқали Брекешев «Жасыл Қазақстан» ұлттық жобасы туралы айтып берген еді. Ұлттық жобаны іске асырудың арқасында 60 мыңға жуық жұмыс орны ашылады.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT