Екібастұздағы апат: Роман Скляр Үкімет басшысына жағдайды баяндады

2022 жылғы 4 желтоқсан, 16:48
Екібастұздағы апат: Роман Скляр Үкімет басшысына жағдайды баяндады

АСТАНА. ҚазАқпарат – Екібастұз қаласында жүрген Премьер-Министрдің бірінші орынбасары Роман Скляр телефон арқылы Үкімет басшысы Әлихан Смайыловқа қалалық жылу желілеріндегі апаттың зардаптарын жою барысы туралы баяндады. Бұл туралы ҚазАқпарат Үкіметтің телеграм каналына сілтеме жасап хабарлайды.

Вице-премьер 4 желтоқсандағы таңертеңгі жағдай бойынша 5А, 5Б және 6 шағын аудандарда 11 тұрғын үйге жылу беру бойынша жұмыс жалғасып жатқанын мәлімдеді. Дайындық деңгейі жоғары, сондықтан кешке дейін олардың желілері (жертөлелер) жылуға қосылады деп жоспарланып отыр. Сонымен қатар, бұл үйлерде жылу радиаторлары мен жеткізу желілері ауыстырылып жатыр. Кешке пәтерлерге жылу беріле бастайды.


Премьер-Министрдің бірінші орынбасары жылу берілген үйлердің ішкі инженерлік коммуникациялары – кәріз құбырларын, сумен жабдықтау жүйелерін және т.б. ауыстыру қажет екенін және бұл жұмыстың Үкіметтің бақылауында екенін айтты.


Жылу толығымен берілмейінше, жөндеу жұмыстарына тартылған бірде-бір ұйым бұл үйлерден кетпейді. Қазіргі уақытта барлығы 484 адам жұмылдырылған. Біз өз жұмысымыздың форматын толығымен өзгерттік, ол тәулік бойы жүргізіледі, -

деді Роман Скляр.


Премьер-Министр барлық жұмыстарды тезірек аяқтап, тұрғындарды жылумен қамтамасыз ету қажеттігін атап өтті.

Жұмысты жалғастырыңыз. Қалған үйлердің барлығына жылуды тезірек қосу керек, адамдар бір апта бойы жылусыз отыр. Ешкім мемлекеттің көмегінсіз қалмайды, барлығы назарға алынған, -

деді Әлихан Смайылов.

Фото: primeminister.kz


Ұқсас жаңалықтар
Серіктестер жаңалықтары

Jańalyqtar