Екібастұзда жағдай қиындаса, Павлодардағы ауруханалар дайын – Серік Жұманғарин

АСТАНА. ҚазАқпарат – ҚР Премьер-Министрінің орынбасары-Сауда және интеграция министрі Серік Жұманғарин Үкімет отырысынан кейін журналистерге Екібастұздағы әлеуметтік нысандардың ахуалы туралы мәлімет берді, деп хабарлайды ҚазАқпарат тілшісі.

«Екібастұздағы жағдай менің назарымда. Күнде не болып жатқаны туралы ақпарат алып отырмыз. Қазіргі уақытта ауруханаларда қанша адам жатыр, перзентханаларда қанша әйел бар, қанша бала жатыр, температура қандай, ауа райы қандай - соның бәрін бақылап отырмыз. Жағдай қиындап, мұқтаждық туса - Павлодарда ауруханалар дайын, сол себепті Үкімет әлеуметтік жағынан бүкіл шаруаны реттеп, дайындап қойды», - деді вице-премьер.