+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Екібастұзда теміржолшылар үш жыл бойы вагондарды тонап, 24 млн теңге шығын келтірген

2020 жылғы 3 маусым 22:02
Бөлісіңіз:
Екібастұзда теміржолшылар үш жыл бойы вагондарды тонап, 24 млн теңге шығын келтірген

ЕКІБАСТҰЗ. ҚазАқпарат – Көліктегі полиция қызметкерлері пойыздан 24 миллион теңгенің дүниесін ұрлаған күдіктілерді ұстады, деп хабарлайды ҚазАқпарат тілшісі.

Ұқсас жаңалықтар
Теміртауда пәтер тонап, үй иесін өлтіріп кеткен қарақшылар ұсталды

Көліктегі полиция департаментінің баспасөз қызметінен мәлім еткендей, «Модум–Транс» компаниясы мен «Қазтеміртранс» АҚ павлодарлық филиалы директорының міндетін атқарушы шағымданып, вагондардан ірі көлемде ұрлық жасалғанын хабарлаған.

«Атап айтқанда, ұрылар 95 жүк вагоны мен 116 жартылай вагоннан тежегіш құралдарының бөліктерін, штурвалдарды, біліктерді қолды еткен», - дейді Көліктегі полиция департаментінің бастығы Сарықұл Жоланов.

Оның айтуынша, ұрлықтың кесірінен 24 090 694 теңге шығын келген. Қылмыстық кодекстің 188-бабының бірнеше бөлігі бойынша сотқа дейінгі тергеу амалдары басталған.

«Жедел-іздестіру шаралары барысында көліктегі полиция қызметкерлері теміржол қызметкерлерін ұстады. Олардың бәрі де - Екібастұз қаласының тұрғындары», - дейді Жоланов.

Қылмысқа қатысты адамдар 2017 жылдан бері вагон тонап жүргенін мойындапты. Ұрланған темір-терсекті «болгаркамен» өңдеп, сырлап, тазартып, өткізіп жүрген.

«Павлодар облысының Екібастұз аудандық сотының үкімімен ұсталған адамдар кінәлі деп танылып, олар 2,6 жылдан 5,6 жылға дейін бас бостандығынан айырылды», - дейді полиция полковнигі.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT