+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Екі облыста адамдарды құлдықта ұстаған қожалық иелері ұсталды

2020 жылғы 21 қыркүйек 13:38
Бөлісіңіз:
Екі облыста адамдарды құлдықта ұстаған қожалық иелері ұсталды

НҰР-СҰЛТАН. ҚазАқпарат – Ақтөбе мен Жамбыл облыстарында шаруа қожалықтарында құлдықта болған азаматтар құтқарылды, деп хабарлайды ҚазАқпарат тілшісі.

Бұл туралы ҚР ІІМ Криминалдық полиция департаментінің басшысы Думан Таев айтып берді.

«Ақтөбе облысында шаруа қожалығының басшысы полицияға жеткізілді. Ол үш ай бойы 40 жастағы ер адамды күштеп ұстаған. Тұтқын күндізгі уақытта трактор айдап, түнде күзетші болған және автофургонда ұйықтаған. Аталған факт бойынша Қылмыстық кодекстің 128-бабына сәйкес сотқа дейінгі тергеу жүріп жатыр», - деді департамент басшысы министрлік ұйымдастырған апталық брифингте.

Қазіргі уақытта зардап шеккен тұрғын Адам саудасы құрбандарына арналған орталықта қажетті көмекті алып жатыр.

«Жамбыл облысында да шаруа қожалығының басшысы 2019 жылдың қарашасынан бері екі ер адам мен бір әйелді заңсыз ұстаған. Ерлер мал баққан, әйел – үй шаруасымен айналысқан. Бұл факт бойынша да ҚР Қылмыстық кодексінің 126-бабы, 3-бөлігі бойынша қылмыстық іс қозғалды». – деді Д. Таев.

Айта кетейік, Қазақстанда 1200 адам із-түссіз жоғалғандар санатында тұр.

Қазақстанда жыл сайын 80-ге жуық тұрғын адам саудасының құрбаны болады. Жыл сайын адам саудасына қатысты 180-ге жуық іс қозғалады. Мұндай қылмыс карантин кезінде де тіркелген.

Өткен аптада елімізде ауқымды «STOP трафик» операциясы жүргізілді және үш күнде полиция қызметкерлері адам саудасына қатысты 50-ден астам қылмысты анықтады.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT