Екі адам қаза тапқан жол-көлік оқиғасына қатысты қылмыстық іс қозғалды - Ақмола облысы

КӨКШЕТАУ. ҚазАқпарат - Ақмола облысында екі адам қаза тапқан жол-көлік оқиғасына қатысты қылмыстық іс қозғалды, деп хабарлады облыстық ІІД баспасөз қызметі.

Еске сала кетсек, қайғы оқиға қаңтардың 4-і күні Зеренді ауданы аумағы арқылы өтетін «Көкшетау-Рузаевка» тас жолының 52 шақырымында орын алған болатын. Жолдың қарсы бағытынан шығып кеткен «Мерседес бенц» көлігі «Ауди-80» көлігімен соқтығысқан. Жол апатынан 27 жастағы ер адам мен 2 жасар сәби ажал құшып, 8 адам ауруханаға түсті.

Осыған байланысты ҚР ҚК 345-бабының 4-бөлімі бойынша қылмыстық іс қозғалды.