Қолданушы баптаулары
Қолданушы баптаулары
+7 (701) 759 90 19 Лента
USD 384.05 EUR 432.79
RUB 5.96 CNY 55.46
Jańalyqtar

«Егеменнің қара нары» атанған Ержұман Смайыл өмірден озды

2018 жылғы 27 ақпан 16:23 509
Бөлісіңіз:
«Егеменнің қара нары» атанған Ержұман Смайыл өмірден озды

АСТАНА. ҚазАқпарат - Президент сыйлығының тұңғыш лауреаты, Қазақстанның еңбек сіңірген қайраткері «Егемен Қазақстан» газетінде бас редактор қызметін атқарған Ержұман Смайыл өмірден озды, деп хабарлайды «ҚазАқпарат» ХАА тілшісі.

Қайғылы қаза туралы «Егемен Қазақстан» АҚ басқармасының төрағасы Дархан Қыдырәлі Фейсбуктегі парақшасында жазды.

«Егемен Қазақстан» ұжымы бүгін ауыр қайғыға ұшырады. Ел газетін екі рет басқарған, «Егеменнің қара нары» атанған Ер-аға - Ержұман аға Смайыл бұ фәниден бақиға аттанғаны туралы суыт хабар естідік. Көңіл құрғыр сене алмайды. Жыл басында егемендіктер Ер-ағаның 70 деген мерейлі жасын арнайы атап өтіп еді. Бірер күн бұрын ғана бір дастарxан басында бас қосып, арқа-жарқа әңгімелесіп едік. Қаралы xабарды естіп, есеңгіреп қалдық. Марқұмның отбасына, балаларына, жақындарына көңіл айтамыз. Ағамыздың иманы жолдас болсын! Бақұл бол, аға!» - деп жазады Дархан Қыдырәлі.

Ержұман Смайыл еңбек жолын «Социалистік Қазақстан» (қазіргі «Егемен Қазақстан») газетінің тілшісі болып бастаған. 2003-2010 жылдары «Егемен Қазақстан» республикалық газеті» ашық акционерлік қоғамының президенті, вице-президенті қызметін атқарған. Қазақ КСР Жоғарғы Кеңесінің Құрмет грамотасымен марапатталған.

Біздің каналымызға жазылыңыз:

Басты сөздер: БАҚ,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT