+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

«Egemen Qazaqstan» газетінің алғашқы саны осыдан 100 жыл бұрын жарыққа шыққан

2019 жылғы 17 желтоқсан 09:37
Бөлісіңіз:
«Egemen Qazaqstan» газетінің алғашқы саны осыдан 100 жыл бұрын жарыққа шыққан

НҰР-СҰЛТАН. ҚазАқпарат - 1919 жылы Орынбор қаласында «Ұшқын» газетінің алғашқы саны жарық көрді. Бұл қазіргі «Egemen Qazaqstan» газеті, деп хабарлайды ҚазАқпарат.

Ұқсас жаңалықтар
«Egemen Qazaqstan» тарихы: Қуғын-сүргін жылдары басылымның 18 редакторының 12-сі атылған Елбасы «Egemen Qazaqstan» газетін 100 жылдық мерейтойымен құттықтады Қойшығара Салғараұлы: «Egemen Qazaqstan» – қазақтың 100 жылдық шежіресі

«Осыдан 100 жыл бұрын, дәлірек айтқанда 1919 жылдың 17 желтоқсанында Алаштың сол тұстағы астанасы Орынбор шаhарында «Ұшқын« деген газет дүниеге келді.

Алғашқы саны берен ақын Бернияз Күлеевтің: «...Алтын Алтай, Еділ, Жайық, Сарыарқа –

Сауыт киіп, садақ тартқан ер бар ма; Ару азып, ер үркек боп, жер тозып, Жауға жаға жырттырмаған ел бар ма? Алты алаштың қызыл туын қолыңа ал,

Ертеде еркін өткен күнін ойыңа ал. Елді жерден, ерді еріктен айырған,

Дұшпаныңды табан тіреп жолыңа ал...« деп басталатын отты жырымен, айрықша арнауымен жарық басылым артынша «Еңбекші қазақ« боп өзгеріп, қазаққа «қазақ« атын қайтаруға үлес қосты.

Қазақтың қабырғалы қайраткерлері мен қарымды қаламгерлері қызмет атқарған газет тоқсаныншы жылы «Азаттық. Теңдік« деген ұран мен «Егеменді Қазақстан« деген атауды таңдап алып, елімізге егемендікті сүйіншіледі. Осылайша елдікке қызмет еткен ел газеті «Egemen Qazaqstan» бүгін 100 жасқа толып отыр!», деп жазды «Egemen Qazaqstan» республикалық газеті» акционерлік қоғамының Басқарма төрағасы Дархан Қыдырәлі Facebook-тегі парақшасында.

Оның айтуынша, биыл «Egemen Qazaqstan» газеті 100 жылдығын кең көлемде атап өткен.

«Биыл Абай елінен, Алаш қаласынан басталған бас басылымның ғасырлық тойы Орынборда тәмамдалды. Алматы мен елордада, жер-жерде көптеген шаралар ұйымдастырылып, өткенге тағзым еттік. Осы шараларға атсалысқан, қолдау көрсеткен, тілекші болған барша достарға алғыс айтамын! Тәңір жарылқасын!

Еліміздің жүз жылдық жылнамасы болған аға газеттің мерейлі межесі құтты болсын! Жаңа ғасырға қадам басқан Егеменнің жолы ұзақ болып, елімізбен бірге жасай берсін!», - деді Дархан Қыдырәлі.

Біздің каналымызға жазылыңыз:

Басты сөздер: БАҚ, Қазақстан тарихы,
Бөлісіңіз:

Автор:

Жәнібек Амангелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT