Эбола ауруынан көз жұмғандардың саны бес мыңға жақындап қалды

АСТАНА. ҚазАқпарат - Эбола вирусының індеті 4950 адамның өмірін қиып кетті, жұқтырғандар арасында 13 241 адам бар, деп хабарлайды Дүниежүзілік денсаулық сақтау ұйымы.

Ұйымның мәліметтерінше, Эболаны жұқтырудың 20 пайыздан астамы қайтыс болғандарды жерлеу кезінде болады. Дәстүрлерге сәйкес, көптеген отбасылар марқұммен тікелей байланысқа түсу, індетті жұқтыратын оның киімдерін тарату сияқты діни жораларын орындайды.