+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

ЕАЭО қаржы нарығындағы үйлестіру шараларына арналған заң жобасы мақұлданды

2019 жылғы 13 қараша 10:12
Бөлісіңіз:
ЕАЭО қаржы нарығындағы үйлестіру шараларына арналған заң жобасы мақұлданды

НҰР-СҰЛТАН. ҚазАқпарат – Парламент Мәжілісінің жалпы отырысында «Еуразиялық экономикалық одаққа мүше мемлекеттердің қаржы нарығы саласындағы заңнамасын үйлестіру туралы келісімді ратификациялау туралы» заң жобасы мақұлданды, деп хабарлайды ҚазАқпарат тілшісі.

Ұқсас жаңалықтар
Өткен жылы қанша бухгалтер жауапкершілікке тартылды Мәжілісте аудиторлық қызметке қатысты заң жобасы таныстырылды Қазақстанда парламенттік оппозицияға бірқатар құзірет беретін заң жобасы талқылануда

Келісім 2014 жылғы 29 мамырдағы ЕАЭО туралы шарттың 70-бабына сәйкес әзірленді, онда ортақ қаржы нарығын құру мақсатында халықаралық келісімді әзірлеу және қаржы нарығы саласындағы заңнаманы үйлестіру көзделген.

«Ортақ қаржы нарығын құру банк, сақтандыру секторында және бағалы қағаздар нарығындағы қызмет көрсету секторында лицензияларды өзара тануды, қаржы нарықтарына кемсітушіліксіз кіруді қамтамасыз етуді, мемлекеттік реттеуді жетілдіруді және қаржы нарықтарында бақылау мен қадағалауды жүзеге асыруды көздейді», - деді ҚР Ұлттық банк төрағасы Ерболат Досаев.

Келісімде үйлестіру үшін 7 бағыт айқындалады: қаржы нарықтарына қатысушыларға оларды құруға, қалыптастыру мен қызметіне қатысты келісілген талаптары; халықаралық стандарттарға сәйкес қаржы нарығы саласындағы тәуекелдерді реттеу; қадағалау талаптары және қаржы нарығының қатысушыларына қадағалауды жүзеге асыру тәртібі; лицензияларды өзара тануға талаптар; қаржы нарығы саласындағы ақпаратты жария етуге талаптар; мүше мемлекеттер инвесторларының қаржы нарығына қатысушылардың жарғылық капиталында үлестерді (акцияларды) иеленуі; қаржылық қызметтер тұтынушыларының құқықтарын және мүдделерін қорғау жөніндегі талаптар.

«Келісімде үйлестіруді жүргізу тәртібі айқындалған. Келісім күшіне енгеннен кейін 9 айдың ішінде Үйлестіру жоспары әзірленеді. Онда үйлестіруді жүргізу кезеңдері мен мерзімдері көзделеді. Заңнаманы үйлестіру жөніндегі келісілген ұсыныстарды ЕЭК кеңесі (вице-премьерлер деңгейі) бекітеді және халықаралық келісімдер қабылдау арқылы ұлттық заңнамаға енгізілетін болады. ЕАЭО елдерінің бірінің заңнамасы үйлестіру өлшемшарты болмайтынын атап өткен жөн. Үйлестіру халықаралық қағидаттар мен стандарттар немесе ең үздік халықаралық практика негізінде жүргізілетін болады. Заңнаманы үйлестіруді 2025 жылы аяқтау жоспарлануда», - деді ҰБ төрағасы.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT