Джордж Кролдың қазақстандықтарға видеоүндеуі: Сіздерді сағынатын боламын

 АСТАНА.ҚазАқпарат - Қазақстандағы өз қызметін аяқтаған АҚШ Елшісі Джордж Крол елшіліктің Инстаграм және Фейсбук парақшаларында қазақстандықтарға арналған бейнеүндеу орналастырды.

 Өзінің Қазақстанға деген ризашылық сезімін Джордж Крол қазақ және ағылшын тілдерінде жеткізді. Бейнеүндеуде елшінің республика аумағында өткізген кездесулері мен сапарларындағы, сондай-ақ еліміздің өміріндегі маңызды мәдени оқиғаларға қатысуы кезіндегі кадрлар көрсетілді. Онда Джордж Кролдың және елшілік қызметкерлерінің Қазақстанның әнұранын орындау сәттері де бар.