Джеймс Кэмерон «Титан» батискафының апаты туралы сериал түсірмек
Инсайдерлердің мәліметінше, стриминг сервистерінің бірі Титаник қалдықтарына 30 рет түскен танымал режиссерге өткен айда суасты қайығында қаза тапқан бес адамның оқиғасы туралы айтып беру үшін өтініш жасаған.
«Титан» апатын әлемдегі ең ірі стриминг сервистерінің бірі телехикая ретінде, ал Кэмеронды – режиссер ретінде қарастырып жатыр.
Дереккөздің айтуынша, бұл тақырып оның жүрегіне жақын. Сериалдың түсіріліміне көп қаражат, уақыт және ресурс қажет.
Голливуд актері Мэтт Дэймон, сондай-ақ Marvel жұлдызы Кумэйл Нанджианиды сериалда басты рөлдерді сомдауға шақырғысы келетін актерлердің тізімінде.
Канада тумасы Кэмерон 1998 жылы «Титаник» фильмі үшін үш «Оскар» сыйлығын жеңіп алды. Сондай-ақ, ол суасты зерттеуі бойынша сарапшы.
Бұған дейін ҚазАқпарат 19 маусым күні «Титаник» кемесі суға батқан аймаққа сапар жасайтын «Титан» сүңгуір аппараты Атлант мұхитында жоғалып кеткенін хабарлаған еді. 22 маусымда АҚШ-тың Жағалау қызметі жоғалған «Титан» батискафын іздеу аумағында қирандылар табылғанын мәлім етті. Кейін сүңгуір аппараты тиесілі OceanGate компаниясы мәлімдеме жасап, батискафта болған экипаж қаза болғанын хабарлады.
Батискаф бортында 5 адам болды: 58 жастағы британдық бизнесмен әрі зерттеуші Хэмиш Хардинг, 48 жастағы бизнесмен, пәкістандық Шахзада Давуд пен оның 19 жастағы ұлы Сулеман, OceanGate компаниясының 61 жастағы директоры Стоктон Раш және 77 жастағы француздық зерттеуші Поль-Анри Наржоле.