Дүйсенбіде Қазақстан 5 қаласында ауа сапасы нашарлайды

АСТАНА. ҚазАқпарат - 17 қыркүйек күні метеорологиялық жағдайлар еліміздің 5 қаласында ауада ластаушы заттардың шоғырлануына ықпал етеді, деп хабарлайды ҚазАқпарат.

«Қазгидромет» РМК-ның мәліметінше, дүйсенбі күні Ақтөбе, Алматы, Астана, Қарағанды және түнде Талдықорған қалаларында жағымсыз метеожағдай қалыптасады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.