+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Дүниежүзілік роботтар олимпиадасынан қазақстандық оқушылар қола медаль алды

2019 жылғы 12 қараша 17:52
Бөлісіңіз:
Дүниежүзілік роботтар олимпиадасынан қазақстандық оқушылар қола медаль алды

АЛМАТЫ. ҚазАқпарат – Венгрияның Дьёр қаласында өткен Дүниежүзілік роботтар олимпиадасынан қазақстандық зияткерлер құрамасы үшінші орын алды. Қола медаль иегерінің бірі Алматы қаласы физика-математика бағытындағы Назарбаев Зияткерлік мектебінің оқушысы Любовь Дудченко. Ол талдықорғандық құрдастарымен бір құрамада өнер көрсетіп, шығармашылық санатында бақ сынаған болатын, деп хабарлайды ҚазАқпарат.

Ұқсас жаңалықтар
Нұр-Сұлтанда республикалық STEM-олимпиада басталды Қазақстанның жас робототехниктері Дубайда қола медаль жеңіп алды Жамбыл облысының мектептерінде 210 робототехника кабинеті жұмыс істейді

«Финалға жету үшін алдымен, қалалық, сосын республикалық, одан кейін құрамаға ену кезеңдері бар. Осының барлығынан өткеннен кейін ғана әлемдік додаға аттана аласың. Бұл – үлкен еңбек. Тура осы жарысқа мен 8-ші сыныпта да қатыстым. Бірақ, соңына дейін жете алмаған едім. Ол кезде командамыз республикалық кезеңнен ІІІ орын алды. Екі жыл бұрын республика бойынша ІІІ орын алсақ, енді биыл әлем бойынша қола медаль иелендік», - деді Любовь Дудченко.

Оның айтуынша, командаластарымен құрастырған робот алғашында ойындағыдай шықпай, біраз алаңдатқан. Бірақ жарыстың масштабы, әр елдерден келген мықты бәсекелестер қазақстандық оқушылардың жігерін еселендірсе керек. Халықаралық жарыстың ақтық мәресіне әлемнің 73 елінен 424 команда қатысыпты.


«Корея, Жапония, Германиядан келген кіл мықты командалар болды. Шынымды айтсам, робот құрастыруға арналған бірінші күннің соңында қатты уайымдадық. Себебі, құрастыру барысында қиындықтар туып, қолымыздан келер ме екен, ең болмағанда үздік ондыққа енсек екен деп ойладық. Бірақ, ертесінде өзімізді жинақылап, қайтадан іске кірістік. Марапаттау салтанатында бізді, елімізді атап шақырған сәт бәрінен ерекше. Туымызды тіке ұстап, сахнаға жүгіріп шықтық. Арманым – Қазақстанды әлемге әйгілі ету. Ақырындап орындалып жатқандай», - деді Любовь Дудченко.

Дүниежүзілік роботтар олимпиадасы – 2004 жылдан бастап 10-21 жас аралығындағы оқушылар мен студенттер арасында өтетін халықаралық жарыс. Жыл сайын Олимпиадаға 2 мыңнан астам дарынды бала қатысады. Биылғы жарысқа «Ақылды қалалар» тақырыбы бекітілген. Қатысушыларға болашақтың қаласын құрудағы жаңа тұжырымдамалар, идеялар мен технологиялар ұсыну міндеттелген.



Біздің каналымызға жазылыңыз:

Басты сөздер: Алматы, Білім, Аймақ,
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT