Дүниежүзілік банктің жаңа президенті сайланды

АСТАНА. ҚазАқпарат – Дүниежүзілік банктің жаңа президенті болып үндістандық-америкалық кәсіпкер Аджай Банга сайланды. Бұрын ол ұзақ уақыт MasterCard компаниясын басқарған, деп хабарлайды ҚазАқпарат Euronews-ке сілтеме жасап.

63 жастағы кәсіпкер бұл орынға жалғыз үміткер болды. Дегенмен, шешім бірауыздан қабылданбады: Ресей өкілі қалыс қалды.

Дәстүр бойынша Дүниежүзілік банк президенті Америка азаматы болады, оны АҚШ президенті ұсынады.

Банктің бұған дейінгі басшысы Дэвид Малпас қызметінен мерзімінен 1 жыл бұрын кетеді. Оның нақты себебі ресми айтылған жоқ.