Қолданушы баптаулары
Қолданушы баптаулары
+7 (701) 759 90 19 Лента
USD 383.01 EUR 430.12
RUB 6.10 CNY 55.70
Jańalyqtar

Дүбірлі жекпе-жек: ШҚО-да қазақша күрестен Халықаралық гран-при өтті

2019 жылғы 16 маусым 10:15 1022
Бөлісіңіз:
Дүбірлі жекпе-жек: ШҚО-да қазақша күрестен Халықаралық гран-при өтті

ӨСКЕМЕН. ҚазАқпарат - ШҚО Тарбағатай ауданында Ырғызбай Досханаұлы атындағы орталық стадионда мыңдаған адам жиналып, 30 мемлекеттен келген 90 балуанның күресін тамашалады, деп хабарлайды ҚазАқпарат.

Аталмыш турнир жетінші рет өткізіліп отыр. Осы уақыт аралығында оған қатысушылар мен мемлекеттер саны артты. Ал биыл «Тұғыры биік Тарбағатай» өнер мен спорт фестивалі аясында өтуі ауқымдылығын кеңейтіп отыр.

Халықаралық деңгейдегі төреші, өнер мен спорт фестивалін ұйымдастырушы комитеттің төрағасы Талғат Мәзібаевтың айтуы бойынша, қазақ күресі қыркүйек айында Кореяда өтетін Әлемдік ойындардың тізіміне енді. Сондықтан турнирге шетелдік спортшылардың қатысуы жақсы мүмкіндік.

«Біз жыл сайын халықаралық спортшыларды ашық аспан астындағы турнирге шақырамыз. Еуропа елдерінде қазақ күресі танымалдылығының артуы қуантады. Алдағы уақытта қазақ күресін олимпиада ойындарына қосу мақсатымыз бар. Оның барлығы уақыт еншісінде. Биыл алғаш рет Италия, Румыния және Нидерландия мемлекеттерінің балуандары қатысуда», - деді бас төреші.

Дүбірлі жекпе-жек: ШҚО-да қазақша күрестен Халықаралық гран-при өтті 

Грекиялық команда өкілі Пекос Теодорас өзі бала кезінде аталмыш спорт түрімен айналысқанын айтты.

«Біз осы турнирге неше мәрте қатысып келеміз. Жылдан жылға трибуналар жанкүйерлерге толып, шараның ауқымдылығының артқандығының куәсіміз», - деді Пекос Теодорас.

Күні бойы спортшылар үлкен сынға түсті. Барлық 90 спортшы өз елдерінің намысын жоғары шеберлікпен қорғап шықты.

Нәтижесінде 70 келі салмақта қола жүлдеге Молдова спортшысы Геордже Року, күміске қазақстандық Өскен Төлеубеков, ал алтын жүлдеге грузиялық Звиад Одошешвили ие болды.

Дүбірлі жекпе-жек: ШҚО-да қазақша күрестен Халықаралық гран-при өтті 

80 келі салмақта бірінші орынды Тәжікстан спортшысы Хамроз Раджабо, екінші орынды грузиялық Каха Момулашвили, үшінші орынды қазақстандық Бекзат Манасбаев иеленді.

80-нен жоғары салмақта тартылыс қызу болды. Қазақтандық Айбек Нұғымаров пен өзбекстандық Мухсин Хисомудиновтің жекпе-жегін көрерменде қызығушылықпен тамашалады. Үлкен тартыс нәтижесінде Халықаралық Гран-Приді Айбек Нұғымаров иеленді.

Балуан Мухсин Хисомудинов екінші орынға, грузиялық Георджи Катарадзе үшінші орынға табан тіреді.

«Шығыс Қазақстанға әлемнің 30 мемлекеті келуі үлкен жетістік. Қазақ күресі танымал болып келеді. Бұл қуантарлық жайт», - деді чемпион Айбек Нұғымаров.

Дүбірлі жекпе-жек: ШҚО-да қазақша күрестен Халықаралық гран-при өтті 

Марапаттаудан кейін жеңімпаздар «Qazaq promotion» компаниясы ұсынған салтанатты әрі үлкен концертті тамашалады.

Ертең халықаралық 140 шақырымдық ат бәйгесі өтеді.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT