+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Дрон, электршокер, травматикалық қару: Қорықшыларды жаңаша жабдықтау ұсынылды

2019 жылғы 28 қазан 18:05
Бөлісіңіз:
Дрон, электршокер, травматикалық қару: Қорықшыларды жаңаша жабдықтау ұсынылды

НҰР-СҰЛТАН. ҚазАқпарат – Қазақстанның табиғатты қорғау қызметтері жаңа заманауи құралдармен жабдықталады, деп хабарлайды ҚазАқпарат ҚР Экология, геология және табиғи ресурстар министрлігіне сілтеме жасап.

Ұқсас жаңалықтар
Ақтөбеде киік атқан браконьер ұсталды Ақмола облысында жыл басынан бері табиғатты қорғау заңнамасы 187 рет бұзылған СҚО-да полицейлер елікті мүшелеп жатқан браконьерді ұстады

«Браконьерлерді ұстауда жедел шаралар қабылдау мақсатында ҚР ІІМ облыстық аумақтық инспекциялардың, «Охотзоопром» ӨБ» РМҚК және ерекше қорғалатын табиғи аумақтардың қызметтік автокөліктерін арнайы көлік құралдары санатына жатқызу жөнінде жол қозғалысы ережелеріне өзгерістер енгізеді. Нәтижесінде, бұл автокөліктер арнайы дауыс зорайтқыш құрылғымен, арнайы дабылмен және жасыл түсті жолақтармен жабдықталады», - делінген министрлік хабарламасында.

Сондай-ақ, табиғатты қорғау қызметтерін материалдық-техникалық жарақтандыруды жақсарту үшін жаңа нормативтер әзірленген.

«Мұнда браконьерлікке қарсы күреске арналған қазіргі заманғы технологиялар мен құралдар – дрондар, кеуде камералары, арнайы техника, электршокер, травматикалық қару, жеке қорғаныс құралдары және т.б. енгізуді көзделген. Қазіргі уақытта аталған нормативтер тиісті мемлекеттік органдарда талқыланып жатыр», - деп хабарлады Экология, геология және табиғи ресурстар министрлігі.

Еске сала кетсек, 25 қазанда Қызылорда облысы Жалағаш ауданында браконьердің ізіне түскен қорықшы Әділ Кенжеғұлов мерт болды. Ол - жыл басынан бері табиғатты қорғау жолында қаза тапқан үшінші инспектор.

Одан бөлек, ҚР Экология, геология және табиғи ресурстар министрлігі табиғатты қорғау инспекторларының қару қолдану құзыретін өзгертуді ұсынып отыр.

Біздің каналымызға жазылыңыз:

Басты сөздер: Экология, ҚР АШМ,
Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT