«Достық» кедені басшысының орынбасары пара алуда айыпталып отыр

АСТАНА. ҚазАқпарат - Алакөл аудандық сотының өндірісіне ҚР ҚК-нің 366-бабының 2-бөлімімен (ірі көлемде пара алу) айыпталып отырған «Достық» кедені басшысының орынбасарына қатысты қылмыстық іс келіп түсті, деп хабарланды Алматы облыстық сотының баспасөз қызметінен.

Алдын ала тергеу органдары айыпталушының контейнерлерді ҚХР-нан Өзбекстан Республикасына транзитпен тасымалдауда «қамқорлық» танытқаны үшін 110 000 теңге көлемінде пара алғанын анықтады.