Допты хоккейден финал: «Ақжайық» жетінші орынға ие болды
2022 жылғы 13 наурыз 15:17

Допты хоккейден финал: «Ақжайық» жетінші орынға ие болды

ОРАЛ. ҚазАқпарат - Красноярск қаласында допты хоккейден жоғары лига командалары арасында бүкілресейлік жарыстың финалдық ойындары мәреге жетті, деп хабарлайды ҚазАқпарат тілшісі.

Оралдың «Ақжайығы» 7:8 орындар үшін «Сибсельмаш-2» (Новосібір) командасымен сынға түсті.

Аталмыш қос команда финалдағы өз тобында төртінші орынға шыққан еді.

Бірінші таймда новосібірліктер алда болды - 3:2. Екінші кезеңде оралдықтар таразы басын теңестірді - 6:6.

Қосымша уақытта Николай Шавалдиннің шәкірттері жеңісті жұлып алды - 7:6.

Бұл ойында «Ақжайықтың» сұрмергені Максим Пахомов бес голдың авторы атанды. Тағы бір ресейлік легионер Сергей Башаев қарсылас қақпасына қос доп енгізді.

Осылайша оралдықтар финалдық кезеңде 7-орынға ие болды.

Еске сала кетейік, бұдан бұрын «Ақжайықтың» А тобында соңғы кездесуін өткізгенін жазған болатынбыз.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT