Қолданушы баптаулары
Қолданушы баптаулары
+7 (701) 759 90 19 Лента
USD 384.05 EUR 432.79
RUB 5.96 CNY 55.46
Jańalyqtar

Допты хоккейден ӘЧ: Қазақстан Норвегияны ұтып, жартылай финалға шықты

2019 жылғы 31 қаңтар 23:41 1033
Бөлісіңіз:
Допты хоккейден ӘЧ: Қазақстан Норвегияны ұтып, жартылай финалға шықты

ОРАЛ. ҚазАқпарат  - Швецияның Венерсборг қаласында допты хоккейден өтіп жатқан әлем чемпионатында Қазақстан құрамасы ширек финалда Норвегиямен күш сынасты, деп хабарлайды ҚазАқпарат тілшісі.

Ұқсас жаңалықтар
Дүбірлі жекпе-жек: ШҚО-да қазақша күрестен Халықаралық гран-при өтті Динара Сәдуақасова Азия чемпионы атанды

Жартылай финал жолдамасы сарапқа салынған матч біршама тартысты өтті.

Бірінші таймда алдымен норвегтерден Феликс Калландер есеп ашты. Содан кейін Қазақстан құрамасының капитаны Рауан Исалиев таразы басын теңестірді.

Екінші таймда мергендік көрсеткен Р.Исалиев қазақстандықтарды алға шығарды. Сосын Евгений Шадрин мен Ескендір Нұғманов бір-бір голдан соғып, есепті 4:1-ге жеткізді.

Осылайша ресейлік маман Сергей Инфалин жаттықтыратын қазақстандықтар жартылай финалға шықты. Енді олар жүлделі орындар үшін таласатын болады. Ең  бастысы, бұл - Қазақстан құрамасы күштілердің «А» тобында қалады деген сөз. Оның үстіне биыл қазақстандықтар әлем чемпионатына алғаш рет негізінен «Ақжайық» ойыншыларымен барған еді. 1 ақпан күні қазақстандықтар жартылай финалда Швециямен шеберлік байқасады. Бұған дейін олар шведтерге 1:22 есебімен ұтылып қалған болатын.

Швециядағы әлем чемпионаты 2 ақпан күні мәреге жетеді.

Еске сала кетейік, бұдан бұрын қазақстандықтардың норвегтермен кездесетінін жазған болатынбыз.

 

 

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT