Қолданушы баптаулары
Қолданушы баптаулары
+7 (701) 759 90 19 Лента
USD 382.38 EUR 428.30
RUB 5.97 CNY 55.39
Jańalyqtar

Допты хоккейден ӘЧ: Қазақстан қола жүлде үшін финдермен күш сынасады

2019 жылғы 2 ақпан 03:08 1203
Бөлісіңіз:
Допты хоккейден ӘЧ: Қазақстан қола жүлде үшін финдермен күш сынасады

ОРАЛ. ҚазАқпарат  - Швецияның Венерсборг қаласында допты хоккейден өтіп жатқан әлем чемпионатында Қазақстан құрамасы жартылай финалда айдын иелерімен кездесті, деп хабарлайды ҚазАқпарат тілшісі.

Ұқсас жаңалықтар
Қазақстанның үздік хоккейшісі анықталды Хоккей: Финляндия құрамасы әлем чемпионаты кубогын сындырып алды

Биыл допты хоккейден әлемдік дода 39-шы рет ұйымдастырылды. Осыған дейін 12 мәрте чемпион атанған шведтердің аса күшті қарсылас екендігі белгілі.

Бұл жолы да Швеция айқын басымдық көрсетіп, 20:1 есебімен жеңіске жетті (қазақстандықтардан гол соққан Артем Вшивков, пас берген «Ақжайық» командасының капитаны Максим Өтебалиев. Максим қос құраманың осы біріншіліктегі алғашқы кездесуінде жалғыз доптың авторы атанған еді, онда шведтер 22:1 есебімен ұтқан болатын).

Екінші жартылай финалда Ресей құрамасы финдерді 6:2 есебімен тізе бүктірді.

Осылайша сенбі күні Кеңес одағы жетістіктерін қосқанда, 25 мәрте әлем чемпионы атанған Ресей мен Швеция командалары алтын жүлде үшін таласады. Ал Финляндия мен Қазақстанның бенди шеберлері қола жүлдені сарапқа салады. «А» тобында бұған дейін финдер қазақстандықтарды 9:0 есебімен ұтқан болатын.

Әлем чемпионаттарында әдетте ресейліктер мен шведтер бас жүлде үшін айдынға шықса, финдер мен қазақстандықтар қолаға барын салатын. Дегенмен финдер осыған дейін бір рет әлем чемпионы атанып, екі мәрте күміс жүлдені жеңіп алған-ды (қазақстандықтардың еншісінде - алты қола медаль). Оның үстіне биыл Қазақстан ресейлік легионерлерге иек артпай, негізінен «Ақжайық» хоккейшілеріне сенді. Олардың арасында жастар да аз емес. Бұл - ең алдымен болашақты көздегендік. Сондай-ақ, әлемнің мықтыларымен айдында күш сынасып, тәжірибе жинақтайтыны анық.

Биыл оралдық бенди шеберлері Красноярск қаласында өтетін дүниежүзілік универсиадаға да қатысады.

Еске сала кетейік,бұдан бұрын қазақстандықтардың Норвегияны ұтып, жартылай финалға шыққанын жазған болатынбыз

 

 

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT