+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Допты хоккей: Оралдың «Ақжайығы» құрамында бірқатар өзгерістер болды

2019 жылғы 6 қараша 13:26
Бөлісіңіз:
Допты хоккей: Оралдың «Ақжайығы» құрамында бірқатар өзгерістер болды

ОРАЛ. ҚазАқпарат – Допты хоккейден Ресей чемпионатында өнер көрсететін Оралдың «Ақжайығы» жаңа маусымға дайындалуда, деп хабарлайды ҚазАқпарат тілшісі.

«Ақжайық» спорт клубы директорының орынбасары Армат Меңдешевтің айтуынша, команда құрамында бірқатар өзгерістер бар.

Команданың бұрынғы капитаны Максим Өтебалиев Ресейдің суперлигасында ойнайтын «Уральский Трубник» (Первоуральск) клубына ауысты. Сондай-ақ ресейліктер Александр Подметалин, Александр Чкалов, Сергей Пантеев «Ақжайықтан» кетті.

Биыл Орал допты хоккейінің түлегі, тәжірибелі хоккейші Денис Максименко келді. Оған қоса төрт ресейлік легионер Максим Пахомов, Сергей Башаев, Артем Лапшин және Александр Штеле «Ақжайықтың» құрамын күшейтеді деген үміт бар.

Команданы бұрынғыша оралдық маман Николай Шавалдин жаттықтырады.

«Ақжайық» жоғары лига командалары арасында бүкілресейлік жарыстың екінші тобында ойнайды. Онда оралдықтардан басқа «Маяк» (Краснотурьинск), «СКСО «СКА-Свердловск» (Екатеринбург), «Динамо-Қазан-2» (Қазан), «Никельщик» (Верхний Уфалей), «Знамя-Удмуртия» (Воткинск), «Локомотив» (Орынбор) және жаңадан қосылған «Кировец» (Уфа) клубы бар.

Н.Шавалдиннің шәкірттері жаңа маусымдағы алғашқы кездесулерін 2-3 желтоқсанда Верхний Уфалейде «Никельщик» командасымен өткізеді.

Осы топтан үздік екі команда финалдық сайыстарға жолдама алады.

«Биылғы мақсат – өз тобымыздан финалға шығу. Қазір хоккейшілер Оралдағы жабық мұз айдыны сарайында шеберліктерін ұштауда. Осы айдың аяғында Ресейдегі матчтарды өткізу үшін аттанамыз», деді ҚазАқпарат тілшісіне А.Меңдешев.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT