+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Допты хоккей: «Ақжайық» өз тобында көш басына көтерілді

2020 жылғы 20 ақпан 16:12
Бөлісіңіз:
Допты хоккей: «Ақжайық» өз тобында көш басына көтерілді

ОРАЛ. ҚазАқпарат – Допты хоккейден жоғары лига командалары арасында бүкілресейлік жарыста Оралдың «Ақжайығы» Орынборда «Локомотивпен» кезекті ойынын өткізді, деп хабарлайды ҚазАқпарат тілшісі.

Ресей допты хоккей федерациясынан алынған мәліметке қарағанда, батысқазақстандық клуб 7:1 есебімен жеңіске жетті.

Бірінші таймда «Ақжайықтан» Артем Лапшин есеп ашса, Сергей Башаев 2:0-ге жеткізді. Содан кейін команда сұрмергені, тағы бір ресейлік легионер Максим Пахомов қарсыластың қақпасына қос гол енгізді – 4:0. Бұдан кейін «Ақжайықтың» қақпашысы Вячеслав Горчаков Алексей Петров соққан 12 метрлік айып добын қайтарды.

Ойынның екінші кезеңінде сол А.Петров гол салғанымен, С.Башаев (екі рет), М.Пахомов есепті ұлғайта түсті – 7:1.

Осылайша бұл матчтан кейін 55 ұпай жинаған Николай Шавалдиннің шәкірттері екінші топта бірінші орынға көтерілді. Бұған дейін 54 ұпаймен көш бастап келе жатқан «Маяк» (Краснотурьинск) командасы Первоуральскіде «СКА-Свердловск» клубынан 1:8 есебімен ұтылып қалды. Үшінші орындағы «Знамя-Удмуртия» (53 ұпай) бүгін Воткинскіде «Динамо-Қазан-2» (Қазан) командасын қабылдайды. «Знамя-Удмуртия» көш соңында келе жатқан клубты тізе бүктірсе, бірінші орынға шығады.

Енді «Ақжайыққа» финалдық сайыстарда берілетін екі жолдаманың бірін иелену үшін ертең Орынборда «Локомотивпен» болатын екінші матчты ұтса, жеткілікті. Ал үш топтың үздіктері қатысатын финалдық турнирде Ресей суперлигасының жолдамасы сарапқа салынады.

Еске сала кетейік, бұдан бұрын «Ақжайықтың» өз айдынындағы соңғы кездесуін де жеңіспен аяқтағанын жазған болатынбыз.

Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT