Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Допты хоккей: «Ақжайық» Орынбордың «Локомотивін» тағы да ұтты

2019 жылғы 19 қаңтар 18:00 647
Бөлісіңіз:
Допты хоккей: «Ақжайық» Орынбордың «Локомотивін» тағы да ұтты

ОРАЛ. ҚазАқпарат  - Допты хоккейден жоғары лига командалары арасында бүкілресейлік жарыста Оралдың «Ақжайығы» бүгін Орынбордың «Локомотивімен» екінші кездесуін өткізді, деп хабарлайды ҚазАқпарат тілшісі.

Ұқсас жаңалықтар
Хоккей: Қазақстан біріншілігінде өзбек командасы ойнауы мүмкін Хоккей: Қазақстан әлем чемпионаты топ-дивизион ойындарын өткізуі мүмкін

«Жастар» стадионындағы матч бұл жолы өте тартысты өрбіді. Бірінші таймда 5-минутта «Ақжайық» құрамындағы ресейлік легионер Сергей Пантеевтің 12 метрлік айып добын «Локомотивтің» қақпашысы Никита Немытов қайтара білді. Дегенмен тағы бір легионер Максим Пахомовтың пасынан кейін 26-минутта «Ақжайықтың» капитаны Максим Өтебалиев есеп ашты. Әйтсе де 39-минутта «Локомотивтен» Евгений Мехонишин таразы басын теңестіріп кетті.

Екінші таймда 61-минутта Самат Аманшин бұрыштамадан доп бергеннен кейін М.Пахомов жеңіс голын соқты - 2:1. Бұл ойыннан кейін 18 ұпай жинаған Николай Шавалдиннің шәкірттері екінші топта бұрынғыша бесінші орында келеді.

«Ақжайық» хоккейшілерінің 25 қаңтар - 2 ақпан аралығында Швецияның Венерсборг қаласында өтетін әлем чемпионатына қатысуына байланысты оралдықтар үшін біріншілікте біраз үзіліс болады. Енді олар алдағы кездесулерін 4-5 ақпанда Қазанда «Динамо-Қазан-2» командасымен өткізеді.

Еске сала кетейік, бұдан бұрын батысқазақстандық клубтың «Локомотивті» тас-талқан етіп ұтқанын жазған болатынбыз.

 

 

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Бакытжан Ербасов
Бакытжан Ербасов
954-059
MURAǴAT