+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Допты хоккей: «Ақжайық» көш басындағы команданы ірі есеппен ұтты

2020 жылғы 16 ақпан 17:34
Бөлісіңіз:
Допты хоккей: «Ақжайық» көш басындағы команданы ірі есеппен ұтты

ОРАЛ. ҚазАқпарат – Допты хоккейден жоғары лига командалары арасында бүкілресейлік жарыста «Ақжайық» «Маяк» (Краснотурьинск) командасын қабылдап, ірі есеппен жеңіске жетті, деп хабарлайды ҚазАқпарат тілшісі.

«Маяк» екінші топта 54 ұпаймен көш бастап келе жатса, айдын иелері үшінші орында еді.

Бірінші таймды «Ақжайық» 3:1 есебімен аяқтаса, ойынның екінші кезеңінде қарқынды үдете түсті. Сөйтіп 10:3-ке жеткізді.

Оралдықтардан (бапкері Николай Шавалдин) ресейлік легионер Максим Пахомов хет-триктің авторы атанып, биылғы маусымда соққан гол санын 60-қа жеткізді. Сондай-ақ жас ойыншы Андрей Гущин де қарсыластың қақпасына үш доп енгізді. Ал Артем Лапшин, Александр Штеле, Петр Грибанов, Сергей Башаев бір-бір голдан соқты.

Орал допты хоккейінің түлегі Олег Чернов жаттықтыратын «Маяктан» Михаил Александров, Андрей Глазер, Евгений Игошин мергендік танытты.

Бұл матчтан кейін 49 ұпай жинаған «Ақжайық» бұрынғыша үшінші орында келеді.

Ертең оралдықтар өз айдынындағы соңғы кездесуін осы «Маякпен» өткізеді.

Еске сала кетейік, бұдан бұрын «Ақжайықтың» «СКА-Свердловск» командасын екінші рет ұтқанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT