Допты хоккей: «Ақжайық» кезекті ойында жеңіліп қалды

None
None
ОРАЛ. ҚазАқпарат – Допты хоккейден жоғары лига командалары арасындағы бүкілресейлік жарыста Оралдың «Ақжайығы» кезекті ойынын Верхний Уфалейде жергілікті «Никельщикпен» өткізді, деп хабарлайды ҚазАқпарат тілшісі.

«Никельщик» биылғы маусымдағы өз айдынындағы алғашқы кездесуін қарқынды бастады.

Алдымен Герман Альгин ресейлік төреші белгілеген 12 метрлік айып добын сәтті орындаса, Дмитрий Шадрин есепті 2:0-ге жеткізді.

Орал допты хоккейінің түлегі Нұрбол Бөкешов есепті қысқартқанымен, Сергей Елфимов қайта ұзартты – 3:1. «Ақжайық» сапындағы ресейлік Сергей Башаев мергендігімен көзге түскенімен, Г.Альгин пенальтиден мүлт кеткен жоқ – 4:2.

Екінші тайм да алма-кезек шабуылмен өтті. 63-минутта бұрыштамадан берілген доптан кейін Антон Пономарев, сәлден кейін Евгений Мехоношин қонақтар қақпасын дәл көздеді – 6:2. Бұдан соң «Ақжайықтың» сұрмергені Максим Пахомовтың соққан голына айдын иелерінен Антон Оппенлендер жауап берді – 7:3. Оралдықтардан С.Башаев ойындағы соңғы голды енгізді – 4:7.

Осылайша Николай Шавалдиннің шәкірттері жаңа маусымда екінші рет жеңіліс тапты.

Ертең қос команда қарымта кездесуін өткізеді.

Еске сала кетейік, бұдан бұрын «Ақжайықтың» қарсыласын ірі есеппен ұтқанын жазған болатынбыз.


Соңғы жаңалықтар