Доллар мен рубльдің 2 желтоқсандағы ресми бағамы белгілі болды

АЛМАТЫ. ҚазАқпарат – Астана мен Алматы қалаларындағы ақша айырбастау пунктерінде доллар 466- 471 теңгеден саудаланып жатыр, деп хабарлайды ҚазАқпарат тілшісі.

Kurs.kz деректері бойынша, Астанадағы валюта айырбастау орындарында 1 доллар 466,5 – 470 теңгеден сатылып жатыр.

Ал Алматыда доллар бағамы 467– 471 теңге аралығында құбылып тұр.

1 желтоқсан кешкі сауда қорытындысы бойынша, доллардың орташа бағамы 0,65 теңгеге төмендеп, 468, 25 теңге болған.

Ұлттық банктің 2 желтоқсандағы ресми бағамы – 1 долларға 468, 45 теңге.

Ресей рублінің орташа сараланған бағамы 7,66 теңге болды.

Дәл қазіргі уақытта Алматыдағы ақша айырбастау орындарында Ресей валютасы 7, 38– 7, 44 теңге аралығында саудаланып жатыр.