+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Додон Молдовада өткен президенттік сайлауда жеңіске жеткенін мәлім етті

2016 жылғы 14 қараша 07:36
Бөлісіңіз:
Додон Молдовада өткен президенттік сайлауда жеңіске жеткенін мәлім етті

АСТАНА. ҚазАқпарат - Молдавияның социалистер партиясының көшбасшысы Игорь Додон ел президентінің тікелей сайлауында жеңіске жеткенін жариялады, деп хабарлайды Риа Новости.

«Мен бүгінгі сайлауда жеңіске жеткенімізді нық сеніммен айта аламын. Мұхиттың ар жағында дауыс беру жалғасып жатыр. Алайда, біздің осы уақыттың өзінде 50 пайыз және плюс бір дауыс жинағанымыз белгілі болды. Біз жеңдік»,-деді ол брифингте.

Додон өзінің Еуропаны қолдаушы оң күштердің атынан сайлауға түскен қарсылас кандидаты Майе Сандуды электоратты тыныштандыруға шақырды. «Мен сіздің жақсы әрі лайықты нәтиже көрсеткеніңізбен құттықтаймын. Алайда, қазір біз қоғамның екіге жарылуының алдын алуымыз керек»,-деді социалист.

Додонның сөзінше, ол бүкіл Молдова халқының президенті болады. Яғни оңшылдардың да, солшылдардың да, өзінің жақтастары мен қарсыластарының да.

Санду дауыс беру учаскелерін жабыла салысымен осы жолғы президенттік сайлаудың нашар ұйымдастырылғандығын айтқан. Оның пікірінше, билік өкілдері оның шет мемлекеттердегі сайлау учаскелері мен дауыс беру бюллетеньдерінің санын арттыру жөніндегі талабын назарға алмады.

Санду елдің Сыртқы істер министі мен Орталық сайлау комиссиясы басшысының қызметтен кетуін талап етті. Себебі Лондондағы сайлау учаскелерінің бірінде дауыс беру бюллетеньдері бітіп қалған. Яғни, республика азаматтарының дауыс беру құқықтары шектелді.

Молдавияның Орталық сайлау комиссиясының мәліметтерінше, хаттамалардың 98,32 пайызы есептелгеннен кейін Додонның 54,24 пайыз, ал, Сандудың 45,76 пайыз дауыс жинағандығы белгілі болды, деп жазды lenta.ru.

Біздің каналымызға жазылыңыз:

Басты сөздер: Әлем, Молдова, Сайлау,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT