USD 434.84 EUR 498.2
RUB 5.72 CNY 68.47
Jańalyqtar

Дмитрий Баландиннің көлігінің айнасын ұрлаған жігіт сотталды

2019 жылғы 13 тамыз 11:07
Бөлісіңіз:
Дмитрий Баландиннің көлігінің айнасын ұрлаған жігіт сотталды

АЛМАТЫ. ҚазАқпарат – Алматыда Олимпиада чемпионы Дмитрий Баландин көлігінің айнасын ұрлаған Айдос Уәлиевтің бас бостандығы 4 жылға шектелді, деп хабарлайды ҚазАқпарат тілшісі сот залынан.

№2 Алмалы аудандық сотының судьясы Кәмшат Сәуірова Айдос Уәлиевті ҚР ҚК 188-бабы бойынша айыпты деп тауып, 4 жылға бас бостандығын шектеу туралы үкім шығарды.

«Сотталушы Айдос Уәлиевтің айыбы толық дәлелденді деп санаймын. Алайда оның бұрын сотталмағанын, қартайған ата-анасының бар екенін, іс бойынша шығынның жоқтығы ескерілді. Сол себепті сотталушының 4 жылға бас бостандығы шектелсін. Сотталушы сот залынан босатылсын. Пробациялық бақылау орнатылсын», - деді үкімді оқыған судья.

Жәбірленушілер белгілі Олимпиада чемпионы Дмитрий Баландин мен Алматы тұрғыны Рауанбек Қуанов. Сотталушы екеуінің көлігінен айналарын ұрлап кеткен.

Алдыңғы сот отырысында сотталушы жәбірленушілерге келтірілген материалдық шығынды толығымен өтеген болатын.

Бұған дейін прокурор оны 3 жылға бас бостандығынан айыруды сұраған болатын.

Еске сала кетейік, оқиға 1 сәуірде болған. Құрманғазы мен Байсейітова көшелерінің қиылысында Олимпиада чемпионы Дмитрий Баландиннің Toyota Land Cruiser көлігінің айнасын біреулер ұрлап кеткен болатын.

Осыдан бір жыл бұрын сол жерде Денис Теннің көлігінің айнасын ұрлағандар спортшыны пышақтап кетті, ол кейін ауруханада көз жұмды.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT