+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Дмитрий Баландин көлігінің айнасын ұрлаған күдікті материалдық шығынды өтеді

2019 жылғы 1 тамыз 16:51
Бөлісіңіз:
Дмитрий Баландин көлігінің айнасын ұрлаған күдікті материалдық шығынды өтеді

АЛМАТЫ. ҚазАқпарат – Олимпиада чемпионы Дмитрий Баландиннің айнасын ұрлау дерегі бойынша сот жалғасып жатыр, деп хабарлайды ҚазАқпарат тілшісі сот залынан.

Ұқсас жаңалықтар
Көкшетауда жарты млн теңгеге жуық ақша ұрлаған зейнеткер ұсталды Петропавлда бірнеше дүкенді тонаған күдікті ұсталды Түркістан облысында ауылдастарының газ есептеуішін ұрлаған зейнеткер ұсталды

Күдікті Айдос Валиев ҚР ҚК 188-бабы бойынша жауап беріп жатыр.

Адвокат Әлия Шәріпбаеваның айтуынша, сотталушы Олимпиада чемпионы Дмитрий Баландинге келтірілген материалдық шығынды толық өтеген.

«Дмитрий Баландинге келген шығын толығымен өтелді. Бұған қатысты қазір мәселе жоқ. Баландиннің 300 мың теңге көлемінде азаматтық арызы болған. Іс материалдарында шығынның қайтарылғаны туралы мәлімет бар. Жәбірленуші Баландин өз пікірін білдіруден бас тартып, шешімді соттың қарауына қалдырды», - деді адвокат Әлия Шәріпбаева.

Сондай-ақ, аталған іс бойынша екінші жәбірленушінің ісі қаралып жатыр.

Айыпталушы Дмитрий Баландиннің көлігінен бөлек Рауанбек Қуановтың Land Rover Discovery көлігінің айнасын ұрлап кеткен. Сот отырысында екінші жәбірленуші Рауанбек Қуановқа да 300 мың теңгеден аса материалдық шығын өтелді.

Алайда, жәбірленуші сотталушыны кешіретінін айтпады. Ол мұны соттың қарауына қалдырды.

Еске сала кетейік, оқиға 1 сәуірде болған. Құрманғазы мен Байсейітова көшелерінің қиылысында Олимпиада чемпионы Дмитрий Баландиннің Toyota Land Cruiser көлігінің айнасын біреулер ұрлап кеткен болатын. Осыдан бір жыл бұрын сол жерде Денис Теннің көлігінің айнасын ұрлаған ұрылар спортшыны пышақтап, жер жастандырған еді.



Біздің каналымызға жазылыңыз:

Басты сөздер: Алматы, Сот, Оқиға, Заң,
Бөлісіңіз:

Аударма:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT