+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Дипломмен ауылға!» келген маман: Қалаға қайту туралы ойлаған емеспін

2018 жылғы 4 қараша 04:00
Бөлісіңіз:
«Дипломмен ауылға!» келген маман: Қалаға қайту туралы ойлаған емеспін

ҚАРАҒАНДЫ. ҚазАқпарат - Қарағанды облысының шалғайдағы елді мекені. Облыс орталығынан 200 шақырым қашықтық. Қайнар ауылында 1300 адам тұрады. Ауылды бұрыннан мекендеп келе жатқан тұрғындар 90-шы жылдары мұнда барлығы қирағанын айтады, көптеген адамдар көшіп кеткен.

"Ал қазір кент - алдыңғы қатарлы елді мекендердің бірі болып саналады жәнеде ол жерден ешкім көшіп кетіп жатқан жоқ. Тіпті үлкен қалаларда білім алған жастар туған жерлеріне қайта оралып жатыр",-деп хабарлайды Қарағанды облысы әкімдігінің баспасөз қызметі.

«Мен неліктен қалада қалуым керек еді?» - деп пайымдайды информатика және робототехника пәнінің мұғалімі Есенжол Егімбаев.

«Мен жоғары білім алдым, үш тілді меңгергенмін, өзім сүйетін кәсібімді таңдадым. Өз білгеніммен ауылдағы балалармен бөліскім келеді. Мұнда «Дипломмен ауылға!» бағдарламасы бойынша оралдым. Қазір 100 мың теңге жалақы аламын. Сонымен қатар 160 мың теңге көтерме қаражат және баспана береміз деп уәде беріп отыр.

Есенжол Егімбаев ұстаздық ететін мектепте 47 мұғалім жұмыс істейді. Бұл толық штат. Олардың жартысына жуығы жас мамандар. Олардың қатарында қазақ тілі және әдебиеті пәнінің мұғалімі Гүлден Бибатырова да бар. Ол да Қайнарға «Дипломмен ауылға!» бағдарламасымен келген.

«Біздің ауылымыз дамып келеді. Мектепте балалармен жұмыс істеуге барлық жағдай жасалған. Маған мұнда ұнайды. Қалаға кетуді ойлап жүрген жоқпын, - дейді Гүлден Бибатырова.


Қайнар аулы тұрғындарының орташа жалақысы - 130 мың теңге. Жергілікті тұрғындар негізінен «Қайнар» шаруа қожалығында жұмыс істейді. Ол кәсіпорын егін егумен және әулиекөл тұқымды бұқаларды өсірумен айналысады. Кәсіпорын жетекшісі Сейтжапар Нығметов жыл қорытындысы бойынша, сыйақылармен қосқанда жұмыскерлер жылына 3 миллион теңгеден артық ақша табады.

Айта кету керек, кәсіпкер тек өз ісін ғана дамытып қоймай, туған ауылының көркеюіне де атсалысады. Мысалы, МЖӘ бағдарламасы бойынша ол 1,5 жастан қабылдайтын 90 балаға шақталған балабақша салған.


«Біздің ауылда халық көбеймесе, азайып жатқан жоқ. Жас отбасылар жетерлік. Мектеп бар, спортпен шұғылдануға барлық жағдай жасалған. Бассейн бар. Балабақша ғана болған жоқ. Оны өткен жылы салдық», - дейді Сейтжапар Нығметов.

Шаруа қожалығының жетекшісі Сейтжапар Нығметов ауыл тұрғындарына тек жұмыста ғана емес, өмірлеріне де жайлы жағдай жасауға тырысады. Ерекше назар медициналық көмекке аударылады. Өз қаражаты есебінен ол дәрігерлік-амбулаториялық бекетті жөндеуден өткізген. Онда 7 дәрігер жұмыс істейді. Ол ауылдағы ең қажетті мамандар.

«Бізге жақын арада медициналық жабдықтар жеткізуге уәде беріп отыр», - дейді жалпы тәжірибе дәрігері Қуаныш Дайыров.


«Қазір қолымызда бары сәл ескіріп қалды. Оларды жаңартпақпыз. Көптеген адамдар ауылдарда медицина дамымаған дейді, бірақ ол біздің ауыл туралы айтылған сөз емес. Біз ауыл тұрғындары үшін сапалы медициналық көмек көрсетуге дайынбыз. Бізде тіпті өзіміздің күндізгі стационарымыз бар. Біз соқыр емеспіз ғой, басқа ауылдардағы өмір қандай екенін көріп отырмыз. Біз үшін Қайнардан артығы жоқ. Мұнда қажеттінің барлығы бар. Әр үйге су тартылған. Балаларда білім алу, спортпен шұғылдану мүмкіндігі бар. Жұмыс істейтіндердің де жалақысы жоғары. Алайда интернетіміз әлсіздеу, бірақ ол мәселе де шешіледі дегенге күмәніміз жоқ», - дейді ауыл тұрғыны, зейнеткер Сайлау Татымбеков.

Интернеттің әлсіз болғанының жақсы жағы да бар, деп қалжыңдайды 35 жылдық еңбек өтілі бар кітапханашы Елена Михайлюк. Ол кітапхана үлкен сұранысқа ие екенін айтады. Ауыл тұрғындары кітап оқығанды жақсы көреді.


«Бізде барлығы оқиды. Әйелдер қауымы махаббат туралы кітаптарды ұнатады. Ерлер - детективтер мен барлаушылар туралы. Кішкентай балалар ата-аналарымен бірге музыкалық кітаптарды алады. Тағы бір байқағаным, кітаптардың да өз оқылу маусымы бар. Мысалы, жазда бақташылар көп оқиды, ал қыста пеш жағушылар мен механизаторлар көп келеді. Мұнда кез-келген оқырман өзіне ұнайтын кітабын таба алады», - дейді мақтанышпен Елена Михайлюк.

Қайнар ауылы 64 жыл бұрын құрылған. Өзінің атауын елді мекен осындағы бұлақтардың арқасында алған. Қазір ауыл тұрғындары барлығына көңілдері толатынын айтады - жақсы өмір сүру үшін барлық жағдай жасалған.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT