+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Дипломмен ауылға: Биыл 5 мыңнан астам жас маманға көтерме жәрдемақы берілді

2019 жылғы 7 тамыз 16:49
Бөлісіңіз:
Дипломмен ауылға: Биыл 5 мыңнан астам жас маманға көтерме жәрдемақы берілді

НҰР-СҰЛТАН. ҚазАқпарат – «Дипломмен ауылға» бағдарламасы бойынша 5 172 маманға бір реттік көтерме жәрдемақы берілді. Дәл осындай жәрдемақыны тағы 2 мың жас маман алады, деп хабарлайды ҚазАқпарат тілшісі.

Ұқсас жаңалықтар
«Дипломмен ауылға» бағдарламасына мемқызметшілер енгізілуі тиіс - депутат Дипломмен ауылға: Жамбылда 1600-ден астам маман ауылдарда жұмыс істеп жатыр Ақтөбеде ауылға барған жас дәрігерлер 1,5 млн теңгеден алды

Үкіметтің баспасөз орталығында баспасөз мәслихатын өткізген Ұлттық экономика вице-министрі Ермек Алпысовтың айтуынша, қазіргі таңда Қазақстанда 6454 ауылды елдімекен бар. Министрлік әзірлеген жаңа әдістеме бойынша іріктеліп алынған 3 477 ауылды елді мекеннің 1 150-і тірек ауыл деп есептеледі. Сонымен қатар, тірек ауылдарға қарайтын ауылдардың саны 2 327. 6 454 ауылды елдімекенде 6 млн 600 мың адам тұрады.

«Білікті мамандарды ауылға тарту бойынша Елбасының арнайы 10 жыл бұрын берген тапсырмасына сай, «Дипломмен ауылға» бағдарламасы іске асырылып жатыр. Өздеріңіз білетіндей, бұл жобаның мақсаты – әлеуметтік тұрғыда көмек көрсету арқылы ауылды жерлерде әлеуметтік сала және агроөнеркәсіп кешеніндегі мамандарды ынталандыру. Бағдарламаға денсаулық сақтау және білім беру, әлеуметтік қамсыздандыру, мәдениет, спорт және агроөнеркәсіптік кешенінде жұмыс істейтін дипломы бар мамандар қатысады. Жалпы, көтерме жәрдемақы – 100 АЕК-ке тең», - деді вице-министр.

Ермек Алпысовтың айтуынша, әлеуметтік қолдау шараларының ішіне тұрғын үй алу үшін берілетін бюджеттік несие де бар. Оның сомасы 1 500 АЕК-ке тең.

«Жалпы, 10 жылдың ішінде 27,5 мың адам 70 млрд теңгенің бюджеттік несиесін алды. Жылдан жылға несие алушылардың саны артып барады. Орташа есеппен максималды түрде қарасақ – 1 500 АЕК алған маман жалпы 15 жылдың ішінде соманың 6 пайызын ғана төлейді», - деді ол.

Вице-министр өз баяндамасында атап өткендей, «Дипломмен ауылға» бағдарламасы бойынша 2019 жылы 7 176 маман бір реттік көтерме жәрдемақы алады деп жоспарланған. Осы мақсатта бюджеттен 1 млрд 300 млн теңге бөлу көзделіпті. 1 шілдедегі жағдай бойынша 5 172 маман 911 млн теңгенің бір реттік көтерме жәрдемақысын алып қойған. Сол секілді биыл 3 908 маманға тұрғын үй сатып алу үшін 14 млрд 800 млн теңге көзделген. 1 маусым бойынша 2 527 маман қоныс тойын тойлап үлгерді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT