USD 434.84 EUR 498.2
RUB 5.72 CNY 68.47
Jańalyqtar

Дінтану пәні балалардың жас ерекшеліктеріне қарай оқытылады - БҒМ

2016 жылғы 2 қараша 18:21
Бөлісіңіз:
Дінтану пәні балалардың жас ерекшеліктеріне қарай оқытылады - БҒМ

АСТАНА. ҚазАқпарат - 2019 жылы үштілді білім беру жүйесі бірден енгізілмейді. Оған дейін барлық оқу-әдістемелік база әзірленіп, мектеп мұғалімдері тіл курстарынан өтуі тиіс. Сөйтіп, жаңа жүйе біртіндеп енгізіледі. Ал, бүгінгі білімнің жаңартылған мазмұнына сәйкес «Әліппемен» бірге «Дінтану» пәнінің атауы да өзгертілді, деп xабарлайды ҚазАқпарат тілшісі.

«2019 жылы тек 10-11 сыныптарда ғана, оның өзінде жаратылыстану-математика класстарында төрт пәннің екеуін таңдай алады. Биология, xимия, физика және информатика», - деді Білім және ғылым министрлігінің Білімнің мазмұны және әдістемесі басқармасының басшысы Талғат Жәкенов бүгінгі брифингте. Оның айтуынша, мектеп оқушылары таңдаған пәндерін ағылшын тілінде оқитын болады.

Сондай-ақ ол «Әліппенің» атын ауыстыру мен дінтану сабағын енгізу бойынша журналистердің тарапынан қойылған сұрақтарға жауап берді.

«Әліппенің» атауы өзгерсе де, заты өзгермеді. Атауы «Сауат ашу» болса да, ішінде бұрынғы - «Әліппе». Бала бүкіл әріптерді үйренеді. Сосын «Ана тіліне» ауысады. Сондықтан ешқандай мәселе жоқ бұл жерде. Ал «Дінтану» пәні туралы айтар болсақ, ол 2009 жылдан бастап міндетті пән ретінде оқытылып келді. Биылғы жылдан бастап бұл пәннің атауы «Зайырлық және дінтану негіздері» болып өзгертілді. Оны тек 9-шы сыныптарда ғана оқытады. Балалардың жас ерекшеліктеріне сәйкес, осы 9-сынып нағыз өтпелі жас дейді ғой, сол себепті дәл уақыттан бастап енгізгенді жөн көрдік. Одан бұрын оқыту жоспарымызда жоқ», - деді Т.Жәкенов.

Біздің каналымызға жазылыңыз:

Бөлісіңіз:

Автор:

Арман Асқаров

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT