Діндар әйелдер торт пісіруден шеберліктерін шыңдады
2019 жылғы 12 қазан 15:11

Діндар әйелдер торт пісіруден шеберліктерін шыңдады

АЛМАТЫ. ҚазАқпарат – Алматыда діндар әйелдер торт пісіруден шеберліктерін шыңдады, деп хабарлайды ҚазАқпарат тілшісі.

Арнайы шеберлік курсы Алматы қаласы Қоғамдық даму басқармасының жанындағы «Кеңес беру және оңалту орталығының» ұйымдастыруымен өтті.

Шеберлік-сабақты балкүлше пісіруден жеке кәсібі бар және бұл кәсіптің қыр-сырын меңгерген маман, теолог Назерке Жетпісбайқызы өткізді.

«Бұл шараны ұйымдастырудағы мақсат – үй шаруасымен айналысатын әйелдерді қосымша табыс табудың көзі ретінде тәтті торт пірісіп, тапсырыс қабылдап, өз кәсіптерін ашуға үйрету», - дедіНазерке Жетпісбайқызы.

26 діндар әйел екі топқа бөлініп қазіргі кездегі сұранысқа ие торттардың бірқатар түрін шебердің көмегімен пісіріп, меңгерді. Сонымен қатар оларды түрлі тәсілдермен әсемдеуді үйренді.

Шеберлік-сабақтың соңы дастархан басындағы шәйға ұласты. Қатысушылар барлық үйренгендерін үйде жасап, жақындарын тәттілерімен қуантатынын жеткізді.

Jańalyqtar

MURAǴAT