+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Дін беріктігі – ел тыныштығы

2019 жылғы 23 қазан 09:26
Бөлісіңіз:
Дін беріктігі – ел тыныштығы

АЛМАТЫ. ҚазАқпарат - Бүгінгі таңда елімізде діни тұрақтылық қалыптасып, халықтың басым бөлігі дәстүрлі ханафи мазхабын ұстанып, салт-дәстүрін сақтап келеді. Дегенмен де, әлемде радикалды секталардың белең алып, діни экстремизм, терроризм мәселелері бірқатар елдерде өршіп, қалың бұқара зардап шегуде. Арам ойлы, теріс пиғылды радикал топтардың өкілдері бізде де жүр.

Ұқсас жаңалықтар
Қазақстанның Бас мүфтиі Баку саммитіне қатысуда Дінде шектен шығушылық жоқ - дінтанушы Түркістан облысының прокуратурасы дін тақырыбында семинар өткізді

Ең өкініштісі, терроризмді ислам дінімен байланыстыратын радикалды секталардың теріс әрекеттері орын алуда. Еліміздегі жат ағымның жетегінде кетіп, адасып жүрген бауырларды түзу жолға салу - баршаның міндеті. Себебі олар бірімізге туыс, аға-әпке болса, енді бірімізге жекжат болып келеді. Сондықтан, рухани дүниетанымымызды байытып, дәстүрді ұлықтайтын шараларды көптеп өткізу қажет.

Қазір Қазақстанның барлық аймағында ақпараттық топ дін саласындағы өзекті мәселелерді қозғап, экстремизм мен терроризмнің алдын алу бойынша тұрғындармен, жастар, мемлекеттік және бюджеттік сала қызметкерлерімен тиісті жұмысты атқарып келеді.

Басты мақсат – тарихи тамырымызға зер салып, дінге байланысты дүниені терең зерделеп бағамдай білу. Ислам діні - ұлтымыздың басты рухани негізі, ата-баба ұстанған, қастер тұтқан сара жол екенін қоғамға насихаттап, тарихымыз бен елдік санамызды саралап, ұрпаққа бағыт-бағдар беру қажет. Алайда, діннің атын жамылып, жастар арасында теріс бағыттағы арам ойын жүзеге асыратындар да бар. Әсіресе, әлеуметтік желілердегі терроризм мен экстремизмге, қатыгездік пен ұлтаралық жанжалға шақыратын топтардан аулақ болған абзал. Ата-аналар да балаларына үнемі бақылау жасап отыруы керек деп ойлаймын.

Елімізде 3-4 жылдан бері діни экстремизм, терроризм мәселелерінен жапа шеккендерге кәсіби заңгер, теолог, дінтанушы және психолог мамандар қызмет көрсетіп келеді. Кез келген ата-ана ұл-қызының күмәнді сайттарға кіріп жүргенін не діни ұстанымының өзгергенін байқаса, осы мамандарға жүгінуі тиіс.

Елде қалыптасқан ұлттық дәстүр мен ұстаным Ислам дінімен біте қайнасып жатыр. Сондықтан, діни сауатсыздық қашанда жат қылықтарға жол беріп, халық арасында дүрбелең туғызады. Бөтен ағымдардың етек жаюына мүмкіндік бермей, елге жанашырлық танытып, жас ұрпақтың заманға сай озық білім алуына, мұсылмандық тәлім-тәрбиемен сусындауына әрбір азамат жауапты екенін ұмытпайық.

Ахмет Жұмабекұлы

имам

Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT