Қолданушы баптаулары
Қолданушы баптаулары
+7 (701) 759 90 19 Лента
USD 378.01 EUR 420.88
RUB 5.84 CNY 54.64
Jańalyqtar

Димашты Канада, Корея, Түркия елдері шақырып жатыр - әншінің анасы

2019 жылғы 12 ақпан 16:34 2668
Бөлісіңіз:
Димашты Канада, Корея, Түркия елдері шақырып жатыр -  әншінің анасы

АҚТӨБЕ. ҚазАқпарат - Әнші Димаш Құдайбергеннің Мәскеуде 23 наурызда өтетін екінші концертіне билеттің басым бөлігі сатылып кеткен, деп хабарлайды ҚазАқпарат тілшісі.

Ұқсас жаңалықтар
Атақты әнші Андреа Бочелли Димаш Құдайбергенге батасын берді Димаштың концертіне жалған билеттер сатылып жатыр

Әншінің анасы Светлана Айтбаева АҚШ-тағы байқау, алдағы концерттері туралы айтып берді.

«Қазақтың өнерін, соның ішінде әні мен мәдениетін, ұлттық болмысын көрсету мақсатында АҚШ-тағы конкурсқа қатысып жатыр. Жеңіске жетеді деп ойлаймыз, үміттенеміз. Негізі Димашқа түсетін ұсыныстар көп. Дегенмен концерт беру, әлемдік турнеге шығу оңай емес. Димаш жалғыз өзі емес, жанында музыканттар, хореографиялық ансамблі бар. Оның барлығы көп дайындықты қажет етеді. Мәскеуде, кейін Астанада концерті болады. Канада, Сеул, Түркия мен Қырғызстан, Өзбекстан, жалпы ТМД елдерінен концерт беруге шақыру түсті. Бәріне биыл үлгермейді», -деді С. Айтбаева.

Димаш Құдайберген 22 наурызда Мәскеуде концерт өткізеді. Көпшіліктің сұранысымен 23 наурызда да көрерменін қуантатын болды.

«Димаштың  Ресейдегі концертін екі ел бірге ұйымдастырып отыр. Қаңтардың орта тұсында 22 наурызда өтетін концерттің барлық билеті сатылып кетті. Кейін жан-жақтан келетін жанкүйерлерінің талап-тілектеріне орай тағы бір күн концерт беруге шешім қабылданды. Қазіргі кезде билеттің басым бөлігі сатылды деген ақпарат бар», - деді Светлана Айтбаева.

Еске сала кетсек, бүгін әнші Димаш Құдайбергеннің жанкүйерлері Ақтөбедегі музыкалық колледжге фортепиано сыйлады. 

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT