09:30, 13 Қараша 2019 | GMT +6
Димаш Құдайберген Прагада жеке концертін өткізеді
НҰР-СҰЛТАН. ҚазАқпарат – Қазақстандық әнші Димаш Құдайберген Чехия астанасы – Прагада жеке концертін өткізеді, деп хабарлайды ҚазАқпарат тілшісі.
«Чехия Республикасында – Прагадағы TIPSPORT ARENA стадионында кездескенше достар! ARNAU», - деп жазды әнші Инстаграм парақшасында.
Әнші Прагадағы жеке концертін 2020 жылдың 25 наурызында өткізгелі отыр.
Еске сала кетсек, бұған дейін Димаш Ұлыбритания астанасы — Лондонда, Ресей астанасы — Мәскеуде жеке концертін өткізіп, сондағы жұртшылықтың құрметіне ие болған еді. Прагада әнші «Арнау» концерттік бағдарламасымен шығады.