+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Димаш Құдайберген қытайлықтарға «Дударай» әнін орындап берді

2017 жылғы 13 ақпан 03:16
Бөлісіңіз:
Димаш Құдайберген қытайлықтарға «Дударай» әнін орындап берді

БЕЙЖІҢ. ҚазАқпарат - «Юаньсяо» шамдар фестивалінің алдында қытайлық журналистерге арналған баспасөз мәслихатында Димаш Құдайберген қазақтың халық әні «Дударайды» орындап берді, деп хабарлайды «ҚазАқпарат» ХАА Қытайдағы меншікті тілшісі.

«Мен міндетті түрде концерт өткіземін. Ал қазір менің шабытым келіп тұр, ән айтып бергім келеді. Қазақтың халық әні «Дударай»,-деді ол журналистердің жеке концерт өткізіп, қазақ әндерін орындауға қатысты қойған сауалына жауап беріп тұрып.

«Сырттан келген кіші бауыр» деп атайды екен Димашты қытайда, ол «Дударай» әнін орындап, жиналғандарды «Юаньсяо» шамдар фестивальінің басталуымен құттықтады.

Айта кетейік, сенбі күні «Юаньсяо» фестивалінің басталуына орай Hunan.TV телеарнасы арқылы өткен мерекелік концертте Димаш «Ой жайлау» әнін орындаған болатын.

Концерттен соң Хунань телеарнасының эфиріне «Singer» байқауының 4-ші кезеңінің таспасы көрсетілді. Онда Димаш осы байқауда алғаш рет әнін қытай тілінде орындаған болатын және ол жүлделі 3-ші орынға ие болды.

«Singer» байқауының 5-ші кезеңі Хунань телеарнасынан 18 ақпан күні көрсетіледі. Алайда, қазірдің өзінде Димаштың «Uptown Funk» әнімен 5-ші орынды жеңіп алып ән байқауының келесі кезеңіне өткендігі белгілі болып отыр.

Біздің каналымызға жазылыңыз:

Бөлісіңіз:

Автор:

Айдар Оспаналиев

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT