Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Димаш Құдайберген Джеки Чанның фестивалінде айтқан әнінің видеосын жариялады

2019 жылғы 22 шілде 10:45 770
Бөлісіңіз:
Димаш Құдайберген Джеки Чанның фестивалінде айтқан әнінің видеосын жариялады

БЕЙЖІҢ. ҚазАқпарат – Қытайдың Датұң қаласында өткен Джеки Чанның Бесінші халықаралық экшн фильмдер апталығының шымылдығын қазақстандық танымал әнші Димаш Құдайберген ашты, деп хабарлайды ҚазАқпарат тілшісі.

Ұқсас жаңалықтар

Әнші Instagram-дағы парақшасына фестивальдің ашылу салтанатында айтқан әнінің видеосын жариялап, «Джеки Чан ағамыздың кешінен» деп жазды.


Видеодан Димаштың өнеріне ұйыған жұрттың бірге әндеткені көрінеді.

Еске сала кетейік, Димаш пен Джеки Чан бұрыннан жақсы таныс. Қазақ әншісі Қытайда өткен I am Singer жобасында миллиондаған қауымның жүрегін жаулаған болатын. Сонда әйгілі актермен кездесіп, иығына қазақтың шапанын жауып, қоңыр үнді домбырасын да сыйға тартқан еді.

Сол жолы Димаш Инстаграм парақшасына: «Бүгін менің өмірімде тариxи есте қалатын ерекше күн! Атақты актер Джеки Чан мырза мені теледидардан көріп, кездесуге шақырды! Кездесуде актер маған өзінің эксклюзивті күртешесін және арнайы фирмалық ән тыңдау құрылғысын сыйға тартты! Ал мен актерге қазақтың шапанын жауып, домбыра сыйладым! Домбырамен бір күй шертіп беруімді өтінген Джеки Чанға Нұрғисаның Әлқисасынан шашу шаштым! Өз кезегінде актер маған соңғы »Kung Fu Yoga« кинокартинасындағы би қимылдарын үйретті. Бала кезімнен бері келе жатқан сүйікті актерім маған өз ақыл- кеңестерін беріп, шығармашылығымды бақылайтынын айтты. Сөз соңында, барша Қазақстан xалқын жаңа жыл мерекесімен құттықтап, әдемі лебіз-тілегін білдірді! Келесі кездесуді асыға күтеміз! Армандар орындалады!», - деп жазған болатын.

Айта кеткен жөн, бұған дейін Димаш Құдайберген Бесінші халықаралық экшн-фильмдер апталығына қатысу үшін Қытайға келгенін хабарлаған едік. Ол 27 шілдеге дейін жалғасады.


Әлеуметтік желілерден алынған фото


Біздің каналымызға жазылыңыз:

Басты сөздер: Мәдениет,
Бөлісіңіз:

Автор:

Нұрлан Тұяқов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT