+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Дэвис кубогы: Ұлыбритания Қазақстан құрамасын жеңіп кетті

2019 жылғы 21 қараша 22:32
Бөлісіңіз:
Дэвис кубогы: Ұлыбритания Қазақстан құрамасын жеңіп кетті

НҰР-СҰЛТАН. ҚазАқпарат – Мадридте Дэвис кубогы финалында Ұлыбритания Қазақстан құрамасын жеңіп кетті, деп хабарлайды ҚазАқпарат тілшісі.

Ұқсас жаңалықтар
Теннис: Дмитрий Попко Аустралия чемпионатында іріктеу сайыстарының финалына шықты Теннистен Аустралия ашық чемпионаты:  Қазақстандықтардың қарсыластары белгілі болды Теннис: Елена Рыбакина Хобарт турнирінің жартылай финалына шықты

Матч тағдыры жұптық кездесуде шешілді.

Қазақстан құрамасы бұл шешуші бәсекеге бастапқыда көзделген Андрей Голубев пен Александр Недовесовтің орнына Александр Бублик пен Михаил Кукушкинді шығарса, ұлыбританиялықтар Джейми Маррей мен Нил Скупскиге сенім артты.

Мұның алдында М.Кукушкин мен А.Бублик жекелей кездесулерін өткізгендіктен, британиялық жұп әлдеқайда тың көрінді. Сондықтан олар бірінші партияда айқын басымдылық көрсетті – 6:1.

Екінші сетті де британдықтар брейкпен бастады – 2:0. Дегенмен қазақстандық жұп сегізінші геймде қайыра брейк жасап, есепті теңестіре алды – 4:4. Бірақ британдықтар да қалыспады – 5:4. Ақыры олар бұл сетті 6:4 есебімен аяқтады.

Бәсеке 1 сағат 12 минутқа созылды.

Осылайша ұлыбританиялықтар Қазақстан құрамасын 2:1 есебімен тізе бүктіріп, өз тобының жеңімпазы ретінде плей-офқа жолдама алды.

Дэвис кубогының финалында барлығы 18 команда алты топқа бөлініп, өнер көрсетті. Топ жеңімпаздары ширек финалға бірден шықса, тағы екеуі екінші орын алғандар ішінен анықталады.

Қазақстан өз тобында екінші орын алғанымен, Ресей мен Аргентинаны алға жіберіп, плей-офф бәсекесінен тыс қалды.

Еске сала кетейік, бұдан бұрын Ұлыбританияның Қазақстанмен матчта алға шыққанын, кейін А.Бубликтің есепті теңестіргенін жазған болатынбыз.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT