+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Депутат мәйіттерді тасымалдау мәселесін көтерді

2019 жылғы 8 мамыр 14:27
Бөлісіңіз:
Депутат мәйіттерді тасымалдау мәселесін көтерді

НҰР-СҰЛТАН. ҚазАқпарат - ҚР Парламент Мәжілісінің депутаттары сот-медициналық сараптама қызметін жетілдіру мәселесін көтерді. Осыған орай, олар ҚР Әділет министрі Марат Бекетаевқа депутаттық сауал жолдады, деп хабарлайды ҚазАқпарат тілшісі.

Депутат Зәуреш Аманжолованың айтуынша, елімізде сот-медициналық сараптама қызметінің жағдайы мәз емес. Қазіргі кезде арнайы орталықтың 20 жергілікті құрылымы бар. Солардың ішінде Қарағанды, Қызылорда, Маңғыстау мен Шығыс Қазақстан облыстары, Алматы мен Нұр-Сұлтанның сот-медициналық мәйітxаналары әбден тозған. Аталған нысандар өткен ғасырдың 1915-1950 жылдары салынған.

«Республикада сот-медициналық бөлімшелер жетіспейді. Соның салдарынан Маңғыстау мен Ақмола облысында мәйіттерді жүздеген шақырымға тасып жүреді. Ал Павлодар облысында екі-ақ бөлімше бар. Олар Екібастұз бен Ақсу қаласында орналасқан», - деді З.Аманжолова бүгінгі пленарлық отырыста.

Оның сөзіне қарағанда, маман тапшылығы да барынша байқалады. Бүгінде алты мемлекеттік медициналық университеттің екеуі ғана сот-медициналық сараптама мамандарын даярлайды.

«Осыған байланысты жергілікті атқарушы органдарымен бірлесе отырып, жаңа ғимараттарды салу мәселесін қарастыру қажет деп санаймыз. Соның барлығын заманауи құрал-жабдықтармен және тоңазытқыш құрылғылармен қамтамасыз ету керек. Қазіргі ғимараттарды күрделі жөндеуден өткізген жөн. Ал зертxаналарға озық аппараттар мен реагенттерді жеткізу керек. Сот-медициналық сараптама мамандарын даярлау бағдарламасын да қайта қарап шыққан маңызды. Ауылды жерлерде жұмыс істейтін мамандарды баспанамен қамту жағын ұмытпауымыз қажет», - деп атап көрсетті З.Аманжолова.

Біздің каналымызға жазылыңыз:

Басты сөздер: Парламент, Медицина, Сот,
Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT