USD 434.24 EUR 492.69
RUB 5.67 CNY 68.46
Jańalyqtar

Депутат көмірге қатысты: Тұрғындарға теріс әсер ететін дүрлікпе жүріп жатыр

2021 жылғы 24 қараша 12:48
Бөлісіңіз:
Депутат көмірге қатысты: Тұрғындарға теріс әсер ететін  дүрлікпе жүріп жатыр

НҰР-СҰЛТАН. ҚазАқпарат – Мәжілістің жалпы отырысында депурат Ерлан Саиров халыққа көмір сату тізбегінде шамамен 10 - ға тарта буын қалыптасқанын айтты, деп хабарлайды ҚазАқпарат тілшісі.

«Біздің депутаттық сауалымыз еліміздің бірқатар өңірлерінен келіп түскен өтініштерге байланысты туындады, ол аймақтарда тұрмыстық көмірдің жетіспеушілігінен шиеленісті жағдай қалыптасқан.

Елімізде көмірдің жүйелі жетіспеушілігі үшін объективті алғышарттар болмаса да, ел азаматтарының моральдық-психологиялық жағдайына теріс әсер ететін дүрлікпе жүріп жатыр. Осындай жағдай көмір өндіру бойынша әлемнің 10-елінің қатарына енетін мемлекетте болып отыр», - деді Е. Саиров Премьер-Министрдің орынбасары Роман Склярдың атына жолдаған сауалында.

Оның айтуныша, бүгінгі күні халыққа көмір сату тізбегінде шамамен 10 - ға тарта буын қалыптасқан. Соның негізгілері: бұл көмір өндіру разрезі, темір жолмен жөнелтуге арналған тиеу пункттері, темір жол арқылы тасымалдау, теміржол тұйықтарында қабылдау терминалдары, көмірді тұтынушыларға жеткізетін тарату пункттері.

«Осы кезеңдердің барлығында әркім өз пайдасын қымқыруға тырысады, осыған байланысты баға қымбаттай береді. Яғни, көмір бағасын делдалдық құрылымдар нұсқап отыр. Көмірді биржалық саудалаудың ережелері делдал-кәсіпорындарға көмірді үлкен көлемде сатып алуға және оны бірден разрезден екі-үш есе қымбат бағамен сатуға мүмкіндік береді деп айтуға негіз бар. Сату нүктелеріндегі көмірдің жетіспеушілігі көмірді жеткізетін вагондардың тапшылығына байланысты. Сондықтан, көмір разрезден сату нүктесіне 6 күнде емес, 16 күнде жеткізіледі», - деді депутат.

Оның сөзіне қарағанда, бүгінде разрезден тоннасы шамамен 7800 теңгеден сатылып жатқан көмір Алматы, Ақмола, Қызылорда, Қостанай, Шығыс Қазақстан, Солтүстік Қазақстан облыстарындағы сауда нүктелерінде тоннасы 25-30 мың теңгеден сатылуда. Осылайша, түпкі тұтынушы үшін баға бастапқыдан үш-төрт есе өседі.

«Бұл - ауылдағы ағайынның қалтасы мүлдем көтермейтін баға. Осы қып-қызыл бағаға көмірдің өзі тапшы. Қақаған қыста азаматтар ақшасын төлеп қойып, көмірді тосуға мәжбүр. «Nur Otan» партиясы Фракция мүшелері азаматтар үшін тұрмыстық көмір қолжетімді және әділ бағамен сатылуы тиіс деп санаймыз», - деді Е. Саиров.

Халыққа тұрмыстық көмір жеткізудің өткір әлеуметтік маңыздылығын ескере отырып, келесі қадамдар қажет:

1. Ауылдық елді мекендердің тұрғындарының тұрмыстық тұтынуы үшін көмірдің нормативтік қорын қалыптастыруды жедел қамтамасыз ету.

2. Көмірді сату орындарына тасымалдау үшін қажетті вагон санын бөлуге басымдық беру.

3. Көмір бағасын қалыптастырудың ашықтығын және көмірді көтерме сатып алушылар арасындағы барынша бәсекелестікті қамтамасыз ету.

4. Нарық субъектілерінің арасындағы бәсекелестікке қарсы келісімдерді болдырмау, тұрмыстық көмір тұтынушыларының түпкілікті бағасын қалыптастыруға делдалдық байланыстардың әсерін болдырмау бойынша жұмыстарды жүргізу.


Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT