Қолданушы баптаулары
Қолданушы баптаулары
+7 (701) 759 90 19 Лента
USD 384.87 EUR 432.52
RUB 6.11 CNY 55.95
Jańalyqtar

Денсаулық сақтау министрі дәрігер жетіспеушілігіне қатысты пікір білдірді

2018 жылғы 21 қыркүйек 17:32 322
Бөлісіңіз:
Денсаулық сақтау министрі дәрігер жетіспеушілігіне қатысты пікір білдірді

АСТАНА. ҚазАқпарат - Қазақстанда медициналық жоғары оқу орындарын бітіретін түлектердің саны алғашқы медициналық-санитарлық көмек дәрігерлеріне деген сұраныс көлемінен артады. Дегенмен, өңірлерде мамандар жетіспейді, деп хабарлайды ҚазАқпарат тілшісі ҚР Денсаулық сақтау министрі Елжан Біртановқа сілтеме жасап.

ҚР Парламенті Мәжілісінің депутаты Тұрғын Сыздықовтың айтуынша, өңірлерде 40% дейін дәрігерлер жетіспейді, ал 60% 4-5 жылдан кейін зейнетке шығады.

Кадр жетіспеушілігі мәселесін Денсаулық сақтау министрі де растады. Ол алғашқы медициналық-санитарлық көмек жүйесін мысалға келтірді. Осыған байланысты, медициналық учаскелердің санын 1,5 мыңға дейін арттыру жоспарланған. Ол үшін 1,5 мың дәрігер мен 4,5 мың медбике қажет болады.

«Түлектеріміз жетіп артылады. Тіпті оқуға қабылдауды азайта бастадық, біздің елде жан басына шаққандағы кадрлармен қамту деңгейі дамыған елдерден асып түседі. Алайда, дәрігерлер баруы керек жерлерге бармай, тіпті мамандықпен жұмыс жасамайтын кездері болады», - деді министр.

Сол себепті 2019 жылдан бастап Қазақстандағы түлектер өңірлерде 3 жыл жұмыс істеуге міндеттеледі. Елжан Біртанов аталмыш механизмді енгізу арқылы сектордағы кадр жетіспеушілігін азайтуға болады деген пікірде.

Министрдің айтуынша, кадр жетіспеушілігіне тек ел ішіндегі көшіп-қону ғана емес, сондай-ақ, шет елге кету себеп болуы мүмкін. Қазақстандағы негізгі мәселе - еңбекақының аздығы. Аталмыш проблеманы шешу үшін келесі жылдан бастап алғашқы медициналық-санитарлық көмек қызметкерлерінің жалақысын 20% көтеру жоспарланған. Дегенмен, бұл барлық қызметкерге қатысты болмайды, тек науқастарды бақылаудың жаңа әдістеріне (балаларды  үйде бақылау, жүкті әйелдерді тексеру) көшіп, жақсы жұмыс жасаған дәрігерлерге ғана жағдай жасалады.

 

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT