Қолданушы баптаулары
Қолданушы баптаулары
+7 (701) 759 90 19 Лента
USD 379.19 EUR 426.63
RUB 5.92 CNY 56.54
Jańalyqtar

«Денсаулық» пойызы Маңғыстауға жетті

2018 жылғы 11 қыркүйек 21:06 686
Бөлісіңіз:
«Денсаулық» пойызы Маңғыстауға жетті

АСТАНА. ҚазАқпарат - Үш ай бойы еліміздің шалғайдағы теміржол бекеттеріне тоқтап, елді-мекен тұрғындарына көмек көрсеткен «Денсаулық» және «Саламатты Қазақстан» медициналық пойызы Маңғыстау облысына келді, деп хабарлайды өңірлік әкімдіктің баспасөз қызметі.

Ұқсас жаңалықтар
Қостанай облысында босанған әйел дәрігердің кесірінен көз жұмды Шымкенттік дәрігерлер инсульт алған әйелді ажалдан алып қалды

Аталған пойыз қыркүйектің  5 мен 25 аралығында Маңғыстау облысының бірнеше елді-мекенін аралап, білікті дәрігерлер тұрғындарға медициналық көмек көрсетеді. Медициналық бригада құрамында терапевт, педиатр, невропатолог, окулист, ЛОР, гинеколог, хирург, уролог, маммолог, стоматолог сияқты дәрігерлер бар.

Пойыз заманауи диагностикалық құралдармен жабдықталған, оның ішінде компьютерлік спирометрлік жүйемен, эхоэнцефалографпен, диагностикалық жүктеме сынақтарын жүргізу үшін кардиологиялық мониторинг жүйесімен, сондай-ақ рентген, стоматологиялық, ЛОР және офтальмологиялық жабдықтардың соңғы үлгілерімен қамтамасыз етілген.

2018 жылы «Денсаулық» пойызы Атырау, Маңғыстау, Қызылорда, Түркістан және Алматы облыстары бойынша, барлығы 71 бекетке тоқтайды. «Саламатты Қазақстан» пойызымен Шығыс Қазақстан, Павлодар, Қарағанды және Қостанай облыстарының шалғайдағы 57 станцияның тұрғындарын қамту жоспарланып отыр.

Станциялардың тұрғындары жоғары білікті медициналық көмек, соның ішінде шағын хирургиялық операциялар, сондай-ақ жоғары сапалы стоматологиялық көмек ала алады.

Естеріңізге сала кетсек, «Медициналық пойыздар» жобасы алғаш рет 2010 жылы іске қосылған болатын. Осы уақыт ішінде консультациялық-диагностикалық пойыздардан еліміздің барлық облыстарынан 1326 станция тұрғындары тексеруден өтті. Мамандар 379 000 қазақстандықты тексерістен өткізді, оның 83 806 балалар. Дәрігерлік қабылдаулардың жалпы саны шамамен 2,5 млн құрады.

Жобаны «Самұрық-Қазына» АҚ компаниялар тобы атынан «Samruk-Kazyna Trust» әлеуметті жобаларды дамыту қоры және ҚР Денсаулық министрлігі, сонымен қатар «Қазақстан Темір Жолы» ҰК» АҚ-ның «Әлеуметтік жобалар» Корпоративтік қоры жүзеге асырады.

 


«Денсаулық» пойызы Маңғыстауға жетті 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT