Денсаулық министрлігі COVID-19 бойынша статистикалық зерттеу жүргізеді
Бұл тапсырманы Мемлекет басшысы Қасым-Жомарт Тоқаев 29 қаңтарда Реформалар жөніндегі Жоғары кеңестің үшінші отырысында берген еді.
«COVID-19 ауырғандардың шынайы ахуалын анықтау бойынша статистикалық зерттеу жүргізу үшін министрлік ДДСҰ санитариялық-эпидемиологиялық сараптама және мониторинг ғылыми-практикалық орталығы филиалының базасында тиісті жобаны іске асыруда. Әрі қарай зерттеу нәтижелері негізінде статистикалық деректерді тіркеу жұмыстары жүреді», - деді А. Цой Үкімет отырысында.
Сонымен бірге, министр Президент тапсырмасы аясында танымал қазақстандық дәрігерлердің ұсыныстарын жан-жақты талқылау үшін министрлік өкілдері мен сарапшылардың қатысуымен кездесу өтетінін айтты. Содан кейін олардың кандидатуралары Денсаулық сақтау саласындағы ұлттық жобаларды анықтау жөніндегі топ құрамына енгізіледі.